མར་རྔོག་དབྱར་ཆོས་ཉན་པའི་ཟིན་བྲིས།
༡༽
སིན་རྡུའི་ཆུ་བརྒྱུད་ཀྱི་དུས་རབས།
གནའ་བོའི་རྒྱ་གར་ལྷོ་བྱང་གི་རིག་གནས།
ཨརྱན་མི་རིགས་ཀྱི་བྱུང་འཕེལ།
རྒྱ་གར་ལ་མིའི་རིགས་ག་དུས་བྱུང་བ། བཙད་འཚོལ་བྱུང་བའི་གནའ་མིའི་རྐང་རྗེས་ལྟར་ན་ཧ་ལམ་སྤྱི་ལོའི་སྔོན་གྱི་འབུམ་བཞི་ནས་གཅིག་བར་གྱི་དུས་ཡུན་ནང་རྡོ་ཆས་རྙིང་མའི་དུས་རབས་སུ་འབྱུང་བར་བཤད།
དེ་ནི་ཆུ་བོ་སིན་རྡུའི་བྱང་ཕྱོགས་ཀྱི་གདོད་མའི་རིག་གནས་ཀྱི་གྲལ་དང་། རྡོ་ཆས་བར་མའི་ཡོད་བྱད་ནི་སྤྱི་ལོ་སྔོན་གྱི་ལོ་ཁྲི་བཞི་ནས་སྟོང་བར། རྡོ་ཆས་གསར་མའི་དུས་རབས་ནི་སྤྱི་ལོའི་སྔོན་གྱི་ལོ་སྟོང་ལྔ་ཕན་ཆད་ནས་དར་བ་འདོད། རྡོ་ཆས་གསར་རྙིང་བར་གསུམ་གྱི་གནའ་རྫས་གང་མང་ཞིག་རྩད་གཅོད་བྱུང་བའི་གནས་རྫས་གཏུག་བཤེར་རིག་པ་བརྒྱུད་ནས་འདི་དག་ཕལ་ཆེལ་དང་ཧ་ལམ་གྱི་ཚོད་དཔག་ཐུབ་ཀྱིན་ཡོད། རྡོ་ཆས་གསར་མའི་དུས་རབས་ཀྱི་མཇུག་གམ་ཡང་ན་རྡོ་ཆས་གསར་མའི་རིག་གནས་འཕེལ་རྒྱས་སུ་སོང་བས་ཞིང་ལས་ཐོན་བསྐྱེད་འགོ་བཙུགས་པ་རེད། དེ་ནས་ལོ་མང་པོ་སོང་བས་ཟང་གི་ཡོད་བྱད་དུས་རབས། རྡོ་ཟངས་གཉིས་ཀྱི་དུས་རབས་ཞེས་ཀྱང་ཟེར། ཟངས་ཀྱི་ཡོད་བྱད་དར་བ་ནས་བཟུང་ཡུལ་དེའི་འགྲོ་བ་མིའི་རིགས་ལ་ཤེས་ཡོན་དར་བའི་ལེའུ་གསར་པ་བྱུང་བ་རེད།
སིན་རྡུའི་ཆུ་རྒྱུད་ཀྱི་ཤེས་རིག་སྔ་ཕྱི་རིམ་པར་དར་བ་ནས་བཟུང་། རྒྱ་གར་ལ་འཚོ་གནས་ཀྱི་ལས་རིགས་འཕེལ་རྒྱས་བྱུང་། སིན་རྡུའི་གཙང་པོ་ནི་གནའ་བོའི་རིགས་གནས་དང་འབྲེལ་བ་ཆེ་ཞིང་ཕྱི་འགྲུལ་ལམ་འགག། ཞིང་ལས་གྱི་ཐོན་བསྐྱེད་སོགས་ཧ་ཅང་ཡག ཆུ་བོ་གངྒའི་རིང་ཚད་ལ་སྤྱི་ལེ་སུམ་སྟོང་ཙམ་དང་ཆུ་འགོ་ནི་ཧེ་མ་ལ་ཡ་དང་དེའི་རི་རྒྱུད། རྒྱ་གར་ནས་ཆེས་ཆེ་བའི་ཆུ་བོ་ཞིག་ཡིན། སིན་རྡུའི་ཤེས་རིག་ནུབ་ནས་ལོ་བཞིི་བརྒྱ་ཡས་མན་འདས་རྗེས་ཕྱི་ལོག་གི་ཨར་ཡན་མི་རྒྱ་གར་ལ་སླེབས། ཡོང་ཁུང་ནི་ཨེ་ཤ་ཡའི་དབུས། ཨརྱ་ཡང་ཟེར། ལྡི་ལི་ནི་གང་གཱ་དང་སིན་དྷུ་གཉིས་འདྲེས་མཚམས་ཤིག་དང་ས་བབ་མཐོ་བས་རྒྱལ་རབས་རྣམས་ཀྱི་དམག་ས་ཡག་ཤོས་ཤིག་ཡིན་པ། དུས་རབས་བཅུ་གསུམ་པ་ནས་བཟུང་རྒྱལ་ས་བྱེད་མྱོང་ལ་ས་ཆ་དེའི་རྒྱལ་པོས་ཆུ་བོ་གངྒ་དང་ཆུ་བོ་སིན་དུའི་ཆུ་རྒྱུད་གཉིས་པོའི་ཆུ་རྒྱུད་ཐམས་ཅད་དབང་དུ་བསྒྱུར།
༢༽ རིག་བྱེད་ཀྱི་དུས་རབས།
རིག་བྱེད་སྔ་མའི་དུས་རབས། སྤྱི་ལོའི་སྔོན་དུས་རབས་བཅོ་ལྔ་དང་བཅུ་གཅིག་བར། ཡི་གེ་མེད་ཀྱང་ངག་ཐོག་ནས་རྒྱུད་ཡོང་བ་རེད། དེའི་སྐབས་ཀྱི་རིག་བྱེད་ནི་ངེས་བརྗོད་རིག་བྱེད་ཡིན།
རིག་བྱེད་ཕྱི་མའི་དུས་རབས། སྤྱི་ལོའི་སྔོན་གྱི་དུས་རབས་བཅུ་གཅིག་ནས་དྲུག་པའི་བར། རིག་བྱེད་ཕྱི་མ་གསུམ་གྱི་སྐབས་ཡིན། ཡིག་ཐོག་ཏུ་ཕྱོགས་བསྡུས་བྱས་ནས་བཀོད་པ། རིག་བྱེད་སྔ་ཕྱི་གཉིས་ནི་ཡི་གེ་ཡོད་མེད་ཀྱིས་ཕྱེ་བ་ཡིན།
རིག་བྱེད་ཤེས་རིག་གི་འབྱུང་ཁུང་ནི་རྒྱ་གར་ཨར་ཡན་གྱི་མི།
རིག་བྱེད་ཐོག་མར་དར་དུས་ཡིག་གེ་ཟེར་བ་ཞིག་མེད་ཀྱང་ཕ་མེས་ཀྱི་སྐད་ཡོད། རིག་བྱད་ཀྱི་སྐད་དེ་ཡར་རྒྱས་སུ་སོང་ནས་སྤྱི་ལོའི་སྔོན་གྱི་དུས་རབས་དྲུག་པ་དང་ལྔ་པའི་སྐབས་སུ་ལེགས་སྦྱར་གྱི་སྐད་དེ་དར་བ་རེད།
ངེས་བརྗོད་ཀྱི་རིག་བྱེད། ནི་རིག་བྱེད་བཞི་ཡི་སྔ་ཤོས་དང་རྩ་བ་ལྟ་བུ། སྤྱི་ལོ་སྔོན་གྱི་དུས་རབས་བཅོ་ལྔ་ནས་བཅུ་པའི་བར། བརྗོད་བྱ་གཙོ་བོ་ལྷ་ལ་བསྟོད་པ་འབུལ་བའི་གླུ་སྟོང་ཕྲག་ལྷག ཤོ་ལོ་ཀ་ཁྲི་ལྷག ཐམས་ཅད་ངག་ཐོག་ནས་བློ་འཛིན་ཚུལ་གྱིས་ཁ་བཏོན་བྱས་ནས་སྒྲ་དག་ལ་གསལ་བའི་སྒོ་ནས་ལོ་ལྔ་བརྒྱའི་རིང་བརྒྱུད་ཡོང་བ། ངེས་བརྗོད་ཀྱི་རིག་བྱེད་སྐབས་སུ་དྲང་སྲོང་བྱུང་། རྩོམ་པ་པོ་གྲགས་སྲོལ་ལྟར་ན་དྲང་སྲོང་བདུན་ཟེར་བ་ཡོད། འབྱུང་བ་དང་རང་བྱུང་ཁམས་ཀྱི་སྐྱེ་དངོས་གང་རུང་ལ་ལྷ་རུ་བརྩི་ཞིང་དེ་དག་ལ་དད་པ་ལ་བརྩི་མཐོང་བྱེད་ཀྱིན་ཡོད། ལྷ་རབས་རིག་པ་ཇི་སྙེད་ཅིག་ཡོད་པ་ལས་རིག་བྱེད་ཀྱི་ལྷ་རབས་ནི་ད་ལྟ་གསོན་པོར་འཚོ་ཡོད་དེ་རིག་བྱེད་ལས་བཤད་པའི་ལྷ་མང་པོ་ཞིག་ལ་ད་ལྟའང་དད་མོས་དང་མཆོད་འབུལ་བྱེད་མཁན་ཤིན་ཏུ་མང་། དེ་མིན་གྷི་རི་སི་ལྷ་རབས་དང་གནའ་བོའི་རོམ་གྱི་ལྷ་རབས་དག་ནི་ལོ་རྒྱུས་ཤིག་ཏུ་གྱུར་ཟིན་པ་ལས་ད་ལྟ་རྒྱུད་འཛིན་བྱེད་མཁན་མེད།
ནམ་མཁའི་ལྷ་བཞི། ? ཝ་རུ་ཎ། ཁྱབ་མཇུག ལྷ་མོ་དབུ་མ།
བར་སྣང་ལྷ་གསུམ། ལྷ་དབང་བརྒྱ་བྱིན། རླུང་ལྷ། དབང་ཕྱུག
ས་གཞི་ལྷ་གསུམ། མེ་ལྷ། སྲོད་མ། ས་ཡི་ལྷ་མོ།
གནམ་ས་བར་སྣང་ལས་གཞན་པའི་ལྷ། གཤིན་རྗེ། དབྱངས་ཅན་མ། རྟོག་བཏགས་སམ་སྨོན་ལམ་གྱི་ལྷ།
བདུད་ལ་རིགས་གསུམ། ལྷ་མ་ཡིན། སྲིན་པོ། ཤ་ཟ།
རིག་བྱེད་ཕྱི་མའི་སྐབས་སུ་ཡིག་གེ་དར་བ།
མཆོད་སྦྱིན་གྱི་རིག་བྱེེད། མཆོད་སྦྱིན་གྱི་རིག་བྱེད་ནི་གཙང་སྦྲ་ཅན་གྱི་བྲམ་ཟེ་ཡི་བྱེད་དགོས་པས་བྲམ་ཟེ་ནི་རིགས་ཀྱི་མཆོག་དང་ཆེད་ལས་ཡོད་པར་གྱུར་ནས་རིགས་མཐོ་དམན་གཉིས་སུ་ཕྱེས། མཆོད་སྦྱིན་གྱི་རིག་བྱེད་སྐབས་བྲམ་ཟེ་དར།
སྙན་ཚིག་རིག་བྱེད། ནི་ངེས་བརྗོད་རིག་བྱེད་སྣ་ཚོགས་པ་ངག་ཐོག་ཏུ་ཡོད་པ་རྣམས་ཕྱོགས་བསྡུས་ཅན་ཞིག་ཡིན།
སྲིད་སྲུང་རིག་བྱེད། ནི་ནད་གདོན་དང་སྦྲུལ་སྲིན། མེ་ཆུ་ལམ་འཕྲང་དང་གཅན་གཟན་འཇིགས་པ་ལ་སྐྱོབས་པའི་ཆོ་ག་གཅིག
རིག་བྱེད་ནི་བྲམ་ཟེའི་རིག་གཞུང་སྔ་ཤོས་ཡིན།
རིགས་བཞི་ཡང་བྱུང་། ཨར་ཡན་ནི་རྒྱལ་རིགས་དང་བྲམ་ཟེ་བློན་པོ་དང་དམག་བཅས། ཞིང་ལས་དང་ཚོང་ལས་ནི་རྗེའུ་རིགས།
བྲན་གཡོ་དང་ཤན་པ་བཅས་ལ་རྡོལ་པའི་རིགས།
ཉེ་གནས་ཀྱི་གཞུང་། བྲམ་ཟེ་རྣམས་མཆོད་སྦྱིན་དང་ཆོ་ག་སྣ་ཚོགས་ཀྱི་མགོ་འཁོར་ནས་རིག་བྱེད་ཀྱི་གཞུང་ལ་གོ་བ་གཏིང་ཟབ་དང་ལྟ་བ་གསར་པ་གང་ཡང་མ་བྱུང་། ཕྱིས་སུ་རྒྱལ་རིགས་རྣམས་ཀྱི་རིག་བྱེད་ལ་གོ་བ་སྣ་ཚོགས་དང་དོག་སློང་དགག་སྒྲུབ་ཅི་རིག་བྱས་ནས་རྒྱ་གར་ལ་ལྟ་གྲུབ་སྣ་ཚོགས་འབྱུང་བའི་འགོ་བཙུགས།
སྙན་ངག་གི་གཞུང་ཆེན་མོ་གཉིས།
མ་ཧ་རྦ་ར་དྷ། སྤྱི་ལོའི་སྔོན་གྱི་དུས་རབས་གསུམ་པ་ནས་བཟུང་ལོ་བརྒྱད་བརྒྱའི་རིང་། དང་པོ་ངག་ཐོག་དེ་ནས་ཡིག་ཐོག ཤོ་ལོ་ཀ་ཁྲི་བདུན་དང་བཞི་སྟོང་ལྷག
བརྗོད་དོན། སྤྱི་ལོའི་སྔོན་གྱི་དུས་རབས་བཅུ་གསུམ་པའི་ནང་གི་དམག་འཐབ།
«དཔལ་ལེགས་ལྡན་ནག་པོའི་གླུ།» དགེ་ཆོས་ཀྱིས་བསྒྱུར་ཞིང་མ་ཧ་རྦ་ར་དྷའི་དུམ་བུ་ཞིག་གོ།
ར་མ་ནའི་རྟོག་བརྗོད། ཤོ་ལོ་ཀ་ཁྲི་གཉིས་དང་བཞི་སྟོང་།
སྤྱི་ལོའི་སྔོན་གྱི་དུས་རབས་བཅུ་གཅིག་པའི་ནང་གི་དམག་འཁྲུག་མཚོན།
རིགས་ཀྱི་སྐོར། རིགས་ནི་རྒྱ་གར་གྱི་སྤྱི་ཚོགས་ཀྱི་སྒྲོམ་གཞི་ལྟ་བུ་དང་མི་སྒེར་གྱི་ལས་གནས་དང་འཚོ་བའི་ལམ་ལུགས་བཅས་ཀྱི་རྨང་གཞི་ཡིན། དེ་ཡང་ལས་གནས་ཀྱི་དབང་གིས་རིགས་བཞི་འབྱུང་།
བྲམ་ཟེ། མཆོད་སྦྱིན་དང་ཆོས་ལུགས་ཀྱི་དབང་ཆ་ཡོད་པ། ལྷ་དང་མི་གཉིས་བར་གྱི་འབྲེལ་མཐུད་བྱེད་མཁན།
རྒྱལ་རིགས། རྒྱལ་པོ་དང་དམག་མི། རྒྱབ་ཁབ་དང་མི་དམངས་སྲུང་སྐྱོབ་མཁན།
རྗེའུ་རིགས། བཟོ་ཚོང་ཞིང་གསུམ་གྱི་ལས་ཀ་གཉེར་མཁན།
དམངས་རིགས། རིགས་སྔ་མ་གསུམ་ནི་ཨར་ཡན་གྱི་མི་ཡིན་ལ་དེ་གསུམ་ལ་གཡོག་རྒྱག་མཁན་གྱི་རྒྱ་གར་གདོད་མའི་མི། ཨར་ཡན་ནི་ཨེ་ཤ་ཡའི་དབུས་ནས་ཚོ་ཚོ་བྱས་ཏེ་ལོ་བརྒྱ་ཕྲག་རིང་གནས་སྤོ་བྱས་པའི་མི། སི་དྷུའི་ཤེས་རིགས་མ་དར་གོང་ནས་ཡོང་།
༣༽ ལྟ་གྲུབ་དར་སྤེལ་བྱུང་བའི་སྐབས།
ཨར་ཡན་གྱི་མི་རྣམས་ཆུ་རྒྱག་གར་བྱང་ཕྱོགས་ནས་རིམ་བཞིན་བོ་སིན་དྷུ་དང་གངྒ་གཉིས་ཀྱི་བརྒྱུད་བཟུང་བ་མ་ཟད་རིམ་བཞིན་ཁྱབ་རྒྱ་ཇེ་ཆེ་རུ་ཕྱིན། ཡུལ་མངྒ་དྷ་རུ་སྲིད་འབྱོར་རིགས་གསུམ་གྱི་ལྟེ་བར་གྱུར། ཆུ་བོ་གངྒའི་ཆུ་སྨད་དང་རྒྱ་གར་གྱི་ཤར་ཕྱོགས། ལྟ་གྲུབ་སྣ་ཚོགས་ཀྱི་འབྱུང་ཁུང་། སྟོན་པ་ཡུན་རིང་བཞུགས་ས། བཀའ་བསྡུ་མཛད་ས་བཅས་ཡིན། རྟོག་གེའི་སྡེ་དྲུག་དང་ཆོས་ལུགས་གཉིས། ཆོས་ལུགས་གཉིས་ནི་གཅེར་བུ་བ་དང་ནང་པ་སངས་རྒྱས་པ་གཉིས། འདི་གཉིས་ནི་རིག་བྱེད་ཀྱི་ལྟ་གྲུབ་སྣ་ཚོགས་དར་ཟིན་པའི་འོག་ནས་བྱུང་བའི་ལྟ་གྲུབ་ཆ་ཚང་ཞིང་ལམ་ལུགས་གསར་པ་གཉིས་ཡིན་ལ། རིག་བྱེད་སོགས་ཁས་མི་ལེན།
གནའ་བོའི་རིག་གནས་ཕལ་ཆེར་ནི་ཆོས་ལུགས་ལ་བརྟེན་ཅིང་ཡོང་བ་ཡིན། དཔེར་ན་སྐར་རྩིས་ནི། མཆོད་སྦྱིན་ག་དུས་འབུལ་མིན་གྱི་དུས་ཚོད་ལྟ་བའི་ཁྱད་དུ་ཡོང་བ་ཡིན། དེ་དང་དེ་བཞིན་རིག་གནས་གང་མང་ཞིག་ཆོས་ལུགས་དང་འབྲེལ་ནས་ཡོང་བ་ཡིན།
གྲངས་ཅན་པ། གྲངས་ཅན་པའི་སློབ་དཔོན་དང་སྟོན་པ་སངས་རྒྱས། རྒྱ་ནག་ཁུང་ཙི་བཅས་ལྟ་གྲུབ་སྣ་ཚོགས་དར་བའི་དུས་རབས། སྤྱི་ལོ་སྔོན་གྱི་དུས་རབ་གཉིས་པ་གསུམ་པ་ཡན་མན།
རྟོག་གེའི་སྡེ་དྲུག ལྟ་བ་མི་འདྲ་བ་དགུ་བཅུ་རྩ་དགུ།
རྒྱལ་བ་པ། ནང་ཆོས་དང་ཐག་ཉེ་བའི་མུ་སྟེགས་པ།
མུ་སྟེགས་སྟོན་པ་སྡེ་དྲུག་ནི་སྟོན་པ་དང་དུས་མཉམ།
༤༽ ནང་ཆོས་ཀྱི་དུས་རབས།
ཤཀྱའི་རིགས།
