题记：吾是一个土生土长个上海人，就勒拉吾所在个城市上海市、勒拉上个世纪90年代初中期前头，全国人民侪处勒拉计划经济年代里向，每家每户个经济收入基本浪向僎是差大覅多个，彼此之间个差距也覅是交关大呃，每个号头净到手个收入，也并覅是邪气多个。
尽管是迭恁样子个，勒拉全国人民侪勒拉计划经济年代个里向，勒拉吾所在个城市上海市，覅管是具有小资情调个人家搭个人，还是普通个人家搭个人，但凡是一些邪气热爱生活，希望家庭或者自家个日脚能够越过越好、日脚每一天侪能够去过得蒸蒸日上个，一样僎是欢喜“情趣生活”个，家庭搭个人多多少少侪会得去讲究一眼“情趣生活”，每年僎会得精打细算个截留一小部分铜钿，用于“情趣生活”，从而能让生活变得丰富多彩一眼眼、富有一眼眼小个情趣生活。
当吾走过39年个生命旅途以后，陪伴着自家个人生经历搭人生阅历，变得逐渐个增多搭增厚起唻，是迭能唻理解、认得并去认为“情趣生活”迭桩事体个，搭个人或家庭经济收入个多与寡，亦是呒得啥个必然关系个，也并覅是属于一些经济条件唻的交关高个个人、富裕人家去独自享有个一份专利，即便是收入覅是邪气高个个人或家庭，对生活充满热爱，也照样可以属于并拥有自家个“情趣生活”。
勒拉掰搿辰光个上海人，每年只要进入夏秋时节，最主要个情趣生活之一，就是－－邪气欢喜去聆听各种虫类个鸣叫声。比方讲：就有夜乌子（知了）、金蛉子、油葫芦、蹔虮（蟋蟀）、叫蝈蝈……
勒拉吾个孩童搭少年时期，是搭外公倪根生外婆张榴妹以及大舅舅倪榴发住勒拉一道个，对外婆迭个一生唻讲伐，伊是一个目不识丁个家庭妇女，最多也只认得自家个名字，而且还要放勒拉一道侪认得个，要是畀三个字分开让她去认个闲话，一个字也是不认得个。
尽管外婆个屋里向也是属于邪气普通个家庭，收入也覅是邪气多个，最主要个收入唻源还是依靠外公倪根生个退休金唻过日脚个。就勒拉计划经济个年代里向，伊每年也会从牙齿缝里向轧出唻一眼眼铜钿，为个就是用于自家邪气欢喜个“情趣生活”，听听虫叫声。
每当每年只要是进入到夏秋时节个辰光里向，伊最欢喜听个就是叫蝈蝈个鸣叫声音，同样是每年只要是进入到夏秋时节个里向以后，外婆伊总归雷打不动个要去购买一两只叫蝈蝈带回到屋里向。吾至今为止依旧还能够清爽个去记得迭能一桩事体，勒拉掰搿辰光，卖叫蝈蝈个，勒拉通常情况下唻讲伐，侪是以农民老伯伯为主，偶尔也会有农民老阿奶出唻卖叫蝈蝈，勒拉伊拉个肩膀上面头挑着扁担，勒拉扁担个上头还挂满各式各样个叫蝈蝈，走街串户个去叫卖叫蝈蝈。
叫蝈蝈侪是放勒拉细竹片编制个、带有洞眼个、六角形个笼子里向，勒拉笼子个上头还系着一根绳子唻，所系个绳子，勒拉一般情况下头，侪是以纳鞋底个鞋底线为主，纳鞋底个鞋底线覅仅是邪气牢固个，而且还覅容易断忒。但畀过，也有拿粉红色个塑料线系叫蝈蝈个笼子。考究一眼个，则放勒拉竹制个、像鸟笼一样个笼子里向。
吾曾经陪外婆一道去买过叫蝈蝈个，外婆勒拉购买叫蝈蝈个辰光，并覅急于求成立马就去购买到屋里向，总归要精挑细选一番，会去挑选那些个头比较大个、鸣叫声音邪气响亮个，假使讲叫蝈蝈个中气覅足，鸣叫声交关轻盈，或者讲那些覅大欢喜去鸣叫个，伊坚决会得给予退货覅要。每间隔一段辰光，伊还要去小菜场购买一些毛豆（子）回唻，而且还要去挑选那些颗粒交关饱满个、有三段长个毛豆（子）畀叫蝈蝈喫。勒拉畀叫蝈蝈喫喫毛豆（子）前头，外婆还要让毛豆（子）沐浴一番，让毛豆（子）浑身侪沾满水并浸泡浸透勒拉水里向，等到毛豆（子）吸足水分以后再去喂食。伊对吾唻讲：“外婆之所以要迭能去做，侪是因为叫蝈蝈搭人是一样个，伊也有饥渴搭叫覅动个辰光，侬要是能适时个让伊美美个去饱餐一顿，等到叫蝈蝈喫饱喝足以后，它个精神头也畀养好时，到辰光伊又能欢快个鸣叫起唻！”……
之所以每年到迭个时节以后，外婆总归要购买一两个叫蝈蝈，她是迭能唻告诉吾个，侪是因为迭能唻做，伊侪能真真切切个感受到夏秋时节已经唻到，一到夜里向，只要是聆听到叫蝈蝈个鸣叫声，侪可以安心个去入睡，如果讲忘记忒购买叫蝈蝈，或聆听覅到叫蝈蝈个鸣叫声，既无法安心入睡、睏覅着觉，又好似缺少一眼啥个么事！
还要吾去讲清爽个一桩事体，迭个就是－－当辰光个迭部列车走到今早仔，对于现在个上海市唻讲伐，基本浪向已经呒得啥个县城搭郊区哦，原先个郊县搭郊区几乎侪升级演变成为一个又一个个区，勒拉每个区里向基本浪向拥有大大小小、各式各样个花鸟市场，个人或家庭想要购买花鸟鱼虫个辰光，可以去花鸟市场逛一逛兜一兜。
比方讲：啥个黄浦区江阴路花鸟市场、闸北区灵石路花鸟市场、杨浦区五角场花鸟市场……但畀过，就勒拉吾个孩童搭少年辰光里向，覅仅是居住勒拉浦东郊县个，勒拉掰搿辰光浦东地区个土地是属于川沙县管辖个，而且是呒得花鸟市场个！既是迭能样子，据吾了解到个情况，勒拉计划经济年代里向，上海有十大郊县十个区，郊县基本浪向是呒得啥个花鸟市场个，勒拉市区里向侪会拥有花鸟市场个。
对于浦东地区个老百姓唻讲伐，凡是拥有“情趣生活”个个人或人家，既欢喜花鸟鱼虫，还想要去花鸟市场购买花鸟鱼虫个闲话，眼扳数要跑到市区浦西去哦，还因为浦西搭浦东还间隔着一条黄浦江，勒拉掰搿年代个里向，也是呒得啥个越江隧道搭跨江大桥个，还需要乘坐摆渡轮船僎能过江，还要是覅太凑巧个闲话，一旦碰着是一些大雾弥漫个坏天气里向，摆渡船搭市轮渡侪都是停航个，所以讲是邪气覅大方便个一桩事体！因此讲，要想去购买一些虫子、去倾听虫子个鸣叫声音，也只能向走街串户个农民老伯伯或老阿奶去购买哦！
正所谓有得迭能一句老话搭俗话是讲得邪气好个，讲道：“近朱者赤，近墨者黑！”勒拉哪能个家庭搭环境个熏陶下头，教育培育出唻个晚辈，眼扳数搭伊个环境、家庭是相差无几不相上下个，由于吾长期搭外祖辈居住勒拉一道个缘故，久而久之长此以往下去，或多或少也会受到外祖辈个影响，勒拉外祖辈潜移默化个影响下头，勒拉童年辰光也是邪气欢喜叫蝈蝈个，唯有聆听到叫蝈蝈个鸣叫声音，以及各种虫子个鸣叫声音，侪可以安然个睏觉。实在是睏覅着个辰光，只要是能够聆听到各类虫子个鸣叫声音，用覅着多少辰光就能安然个睏觉，很快就能跑到苏州去嘞，迭些虫子个鸣叫声，畀吾个感觉那就是－－好似一个演奏家，又仿佛勒拉演奏一首悦耳动听个催眠曲。
讲到外婆，既是一个目不识丁个家庭妇女；伊个家庭是属于生活勒拉最底层个普通家庭；更是属于一个体弱多病个人；但并覅表示伊老人家勒拉生前个辰光，是属于一个“信息十分闭塞”个人，而是勒拉伊老人家个一生当中，也拥有着丰富多彩个、各式各样个经历个，伊老人家覅一定会懂得“情趣生活”迭四个字个含义到底会得是啥么事，以及迭四个字所能带畀个人或家庭到底是啥个么事，但是伊本人对于美好个生活是交关热爱个，对于过上太平日脚搭过好每一天，还是满心欢喜个，还只要是勒拉伊力所能及个范围之内，更只要是手头上有一眼宽裕个闲话，一定会为自家平顺搭平淡个俗常生活，去增添一眼眼“色彩”“活力”“生机”“美丽”搭“美好”……从而能让自家个生活搭家庭生活，侪可以变得丰富多彩一眼，去好好个过好每一日、去过好只属于自家个、自认为是邪气幸福美好个生活……
侬讲怪不怪啊，外婆几乎是属于一个目不识丁个家庭妇女，也覅懂得“情趣生活”迭四个字能带畀自家搭家庭个真正含义、深刻个意义，回过头去看伊走个生命旅途，伊老人家分明是邪气好个勒拉诠释“何谓情趣生活”搭“吾哪能侪可以过好所谓个情趣生活”……
外婆张榴妹于2008年2月16日星期六弹老三，去世个辰光享年91虚岁，伊天仔是一个大晴天，天气晴朗艳阳高照。吾依旧还是迭能唻理解、认得并去认为个，外婆之所以能以高龄辞世，还是搭伊交关欢喜“情趣生活”、热爱生活或多或少是有得一眼眼个关系个。
虽然讲外婆从弹老三个伊天仔开始算起，一直到辰光走到嘞今早仔，已然是走过八年个辰光，由于吾从刚刚开始生下唻个辰光，一直要到16岁，有三分之一个时间，是由伊老人家带领领养大个，至今侪让吾总是难以忘记搭外婆相处期间个点点滴滴，有辰光也会时覅时个记牢伊，总认为外婆并呒得离开吾，伊一直陪伴勒拉吾个身边。
因为无法忘记搭外婆勒拉一道个日脚、曾经个点点滴滴，因此讲就去撰写迭篇文章，以兹怀念搭纪念，吾第一次去撰写搭外婆有关系个文章，以后有可能个闲话，还会陆陆续续个去撰写迭类文章！
【备注：①：文章为作者原创；②：各种搭文章有得关系个图片侪唻源于网络上头；③：最后两张是吾个外婆张榴妹个照片，是作者自家翻拍个；④：万分感谢原创图片。】
杜老倌侠客居（陆伟）写于2016年08月12日礼拜五夜里向
