ལས་ཀྱི་ལྷ་སྐལ་འབྲུག་པ་མཆོག་སྤྲུལ་རིན་པོ་ཆེ།
དགེ་བའི་བཤེས་གཉེན་ཆེན་པོ་རྒན་ནཱ་སྐྱབས།
དུས་རབས་གོང་མ་ཞིག་ལ
ཕ་མེས་ཀྱི་དབང་ཐང་མཚོན་ཡོད་པའི
རུས་མིང་ཞིག
ད་ལྟའང་བུ་རབས་ཚོས
གཟི་བརྗིད་ཀྱི་དོད་དུ་ཡང་ཡང་གླེང་འོངས་པའི
རུས་མིང་ཞིག
རྒྱ་བོད་སོག་གསུམ་གྱི་ལོ་རྒྱུས་ཀྱི་གླེགས་བམ་ལས
བསོད་ནམས་ཀྱིས་མཆེད་འོང་པའི་ཡིག་འབྲུ་ཞིག
ཤ་རུས་ཁྲག་གསུམ་གྱི་འབྲེལ་བའི་བར་གསེང་ནས
དུང་ཞེན་གྱིས་ཐོན་འོང་བའི་ཐ་སྙད་གཅིག
བཱ་ཡན
ཁྱོད་ནི་སྟོབས་འབྱོར་མཚོན་བྱེད་ཀྱི་གསེར་ཐམ་དེ་ཡིན་ཆོག
ཁྱོད་ནི་དར་རྒུད་མཚོན་བྱེད་ཀྱི་ཆོས་ཉིད་དེ་ཡིན་ཆོག
ཁྱོད་ནི་སྐྱིད་སྡུག་མཚོན་བྱེད་ཀྱི་སེམས་གཤིས་དེ་ཡིན་ཆོག
ཁྱོད་ནི་རེ་བ་མཚོན་བྱེད་ཀྱི་ས་བོན་དེ་ཡང་ཡིན་ཆོག
