出亲门口都要对付三叔只狗，狗爪又尖又污糟
衫污糟咗可以洗，问题係，俾佢爪一下就係我手脚上留一道红肿的爪痕，大约一个星期先消得去。痛噶大佬，呢D算身体伤害噶啦！
另外，见亲只狗就要见三叔，我自我保护心墙好高噶，真係唔想夜晚落班翻去又要见一次佢，出去买饭又见一次佢，好天翻嚟换一次衫又见一次佢，买完饭或者跑完步翻嚟又见一次佢。佢有时仲会拉住我讲佢自己点点点，我表面上会敷衍应答，但实际上，我真係好怕佢！佢讲佢点点点，关我鬼事咩！我根本就唔想理佢！
佢有老婆噶，又唔见佢老婆同佢一齐住嘅！我又唔钟意佢，又无兴趣同佢乱伦，点解要放只狗出嚟搞咁多嘢啊！
佢咁做，我可以点应对啊？
落雨我都想落班早D翻屋企噶，我可以落地铁食完饭先翻，但咁打乱咗我嘅生活作息喔！
好天我又有精力嘅话，落班翻嚟换套运动服去跑步唔过份吧？
但点解又要经过佢只狗同佢先出得去啊？
我要自由！我要自由！我要自由！
我唔要变相软禁！
