བྲིས/ཙི་ཡིན་སྐུ་སྐུ་
གལ་སྲིད་གནས་ཚུལ་ཞིག་ལྷག་ཚེ་. ངས་ཕ་མ་གཉིས་ལ་ཞུས་ནས་རོགས་སྐྱོབ་ཐོབ་ཐུབ་པ་བྱེད་སྲིད་. རྒྱུ་མཚན་ཅི་ཡིན་ཞེ་ན་ཁོང་རྣམ་གཉིས་ནི་ང་རང་ཀྱི་སེམས་པའི་སྐད་ཆ་བཤོད་ས་ཡིན་ལ་ང་རང་དང་སྐྱིད་སྡུག་ཉམས་མྱོང་བྱེད་མཁན་ཡང་ཡིན་
གལ་སྲིད་སྟབས་མ་ལེགས་པ་ཞིག་ལ་ངས་ཆགས་སྒོ་ཞིག་བླངས་ཚེ་. ངས་དེ་དུས་ཕ་མ་གཉིས་ལ་ཞུ་མི་སྲིད་. རྒྱུ་མཚན་ཅི་ཡིན་ཞེ་ན་ང་རང་ཁོང་རྣམ་གཉིས་ལ་སྐྲག་སྲིད་པས་ཞུ་མི་སྲིད་. འོན་ཀྱང་མཐར་མཇུག་གནས་ཚུལ་དེ་རང་ཉིད་ཀྱི་ཐག་མ་ཆོད་པའི་མཚམས་སུ་སླེབས་སྐབས་ཕ་མ་གཉིས་ལ་ཞུ་སྲིད་. རྒྱུ་མཚན་ཅི་ཡིན་ཞེ་ན་ སྐབས་དེ་དུས་ རང་ཉིད་ལ་ཕ་མ་མ་གཏོགས་བརྟེན་ས་གཞན་མེད་པས་སྐྲག་ནའང་ཕ་མ་ལ་ཞུ་ངེས་
གལ་སྲིད་ངས་སློབ་ལ་བརྩོན་ནས་བྱ་དགའ་ཆེན་པོ་ཞིག་བླང་ཚེ་ངས་ཕ་མ་གཉིས ་ལ་དགའ་བར་འོས་པའི་ཐོག་ནས་བརྗོད་སྲིད་. རྒྱུ་མཚན་ཅི་ཡིན་ཞེ་ན་. དེས་ཁོང་རྣམ་གཉིས་ཀྱི་ང་སློབ་གྲྭར་གཏང་པ་དེ་ ནོར་འཁྲུལ་དང་ཆུད་ཟོས་མིན་པ་ཤེས་ཐུབ་ལ་ངས་སྦྱང་བརྩོན་བྱས་པའང་མངོན་ཐུབ་
གལ་སྲིད་ངས་ཡིག་རྒྱུག་ཡག་པོ་གཏང་མེད་ཚེ་. ངས་ཕ་མ་གཉིས་ལ་ཞུ་སྲིད་དམ་. ངས་ཀྱང་མི་ཤེས་. རྒྱུ་མཚན་ཅི་ཡིན་ཞེ་ན་ ངས་ཞུས་ཚེ་ཕ་མ་གཉིས་ཀྱི་བསམ་བར་སྦྱང་བརྩོན་བྱས་མི་འདུག་སྙམ་ཀྱི་རེད་. ངས་མ་ཞུས་ཚེ་ཡང་ཕ་མ་གཉིས་ལ་དགོངས་པ་ཚོམ་པའི་ལས་བྱས་པ་དང་མཚུངས་པས་དེ་ངས་ཀྱང་མི་ཤེས་. གང་སྟར་ད་ལྟ་བར་དུ་ངས་ཕྱེད་ཙམ་ཕ་མ་གཉིས་ལ་བརྗོད་པ་དང་ཕྱེད་ཙམ་བརྗོད་མེད་པར་བཞག་ཡོད་
གལ་སྲིད་ཉིན་ཞིག་ང་ཆེན་པོ་ཆགས་ནས་བྱ་ཞག་ཆེན་པོ་ཞིག་གྲུབ་ཚེ་. ངས་དེ་ཕ་མ་གཉིས་ལ་སྤོབས་པ་མཐོ་པོའི་ངང་ནས་བརྗོད་སྲིད་. རྒྱུ་མཚན་ཅི་ཡིན་ཞེ་ན་ ངས་ཕ་མ་གཉིས་ལ་ཁོང་རྣམ་གཉིས་ཀྱི་ང་ཆུང་དུས་ནས་ སློབ་གྲྭར་གཏང་ནས་གསོ་སྐྱོང་ལེགས་པོ་བྱས་པ་དེ་ནོར་ འཁྲུལ་ཞིག་མིན་པ་དེ་ཤེད་སུ་འཇུག་གི་ཡིན་
གལ་སྲིད་ཉིན་ཞིག་ང་རང་ཕྱུག་པོར་འགྱུར་ནས་ཕ་མ་གཉིས་ལུང་ཁུག་ནས་ཁྲིད ཐུབ་ཚེ་. དེ་ནི་ཁོང་རྣམ་གཉིས་རང་ཉིད་ཀྱི་བསྐྲུན་པའི་ཆ་རྐྱེན་ཡིན་. རྒྱུ་མཚན་ཅི་ཡིན་ཞེ་ན་. ཁོང་རྣམ་གཉིས་མེད་ན་ང་ཕྱུག་པོར་གྱུར་མི་སྲིད་ལ་ཁོང་རྣམ་གཉིས་མེད་ན་ང་བྱ་བཞག་ཀྱང་ལེགས་གྲུབ་ཡོང་མི་སྲིད་པས་ཆ་རྐྱེན་བཟང་པོ་དེ་ཁོང་རྣམ་གཉིས་ཀྱི་བསྐྲུན་པ་ཡིན་
གལ་སྲིད་ཉིན་ཞིག་ང་རང་ཁོང་རྣམ་གཉིས་དང་ཁ་བྲལ་དགོས་བྱུང་ཚེ་. ང་རང་སེམས་སྡུག་ཚད་མེད་ཡོང་སྲིད་ རྒྱུ་མཚན་ཅི་ཡིན་ཞེ་ན་. ཁོང་རྣམ་གཉིས་ཀྱི་ང་ལ་ཚེ་སྲོག་གནང་བས་ཁོང་རྣམ་གཉིས་དང་ཁ་བྲལ་ཚེ་ང་ རང་འཇིག་རྟེན་ཁམས་ནས་ཁ་བྲལ་པ་དང་གཉིས་སུ་མེད་ ལ་ཁོང་རྣམ་གཉིས་དང་ཁ་བྲལ་ཚེ་ང་རང་ཉ་མོ་ལ་ཆུ་མེད་པ་དང་ ཚ་དུས་རླུང་མེད་པ་ འཁྱགས་དུས་གོས་མེད་པ་ ལྟོགས་དུས་ཟས་མེད་པ་དང་སྐོམ་དུས་ཆུ་མེད་པ་བཅས་དང་མཚུངས་སྲིད་
གལ་སྲིད་ཉིན་ཞིག་ང་རང་འཇིག་རྟེ་ཁམས་ནས་ཁ་བྲལ་དགོས་བྱུང་ཚེ་. ངས་བློད་གཏོང་ཐུབ་མི་སྲིད་. རྒྱུ་མཚན་ཅི་ཡིན་ཞེ་ན་. འཇིག་རྟེན་ཁམས་ཀྱི་བྱ་དངོས་ཡོངས་རྫོགས་དབུགས་ཆད་ཐེངས་གཅིག་ལ་ མཐོང་རྒྱུ་མེད་པར་འགྱུར་སྲིད་ལ་ རང་ཉིད་བྱེད་འདོད་པའི་བྱ་བ་ཡང་བྱེད་མི་ཐུབ་. ཟ་འདོད་པའི་ཟས་ཀྱང་བཟའ་མི་ཐུབ་ཐ་ན་གྱོན་འདོད་པའི་གོས་ཀྱང་གྱོན་རྒྱུ་མེད་པར་འགྱུར་སྲིད་པས་འཇིག་རྟེན་ཁམས་ནས་ཁ་བྲལ་ཚེ་ང་རང་སེམས་འཕངས་སྲིད་ལ་བློ་ཡིད་ཡང་ཚེམས་མི་སྲིད་
གལ་སྲིད་དུས་ནམ་ཞིག་ལ་ང་རང་སླར་ཡང་འཇིག་རྟེན་ཁམས་དེར་གསོན་ཚེ་. དེ་དུས་ང་རང་སྐྱེ་བོ་ཞིག་མིན་རུང་. ངས་རང་ཉིད་ལ་ཡོད་པའི་ནུས་རྩལ་ངོམས་སྟེ་ཚེ་གཅིག་རིང་ནུས་ཤུགས་ཡོད་གུས་འཇིག་རྟེན་ཁམས་ལ་ལེགས་སྐྱེས་འཕུལ་སྲིད་. མཐར་འཆི་བའི་དུས་སུ་འགྱོད་པ་མེད་པ་ཞིག་བྱེད་སྲིད་. གལསྲིད་……
