مەۋلانجان مەتروزى ئارىف

كىچە  گاچا، يۇلتۇزلار پىنھان ،
    ئايمۇ  بىتاپ ، ئالدىراش شامال .
كۆزلىرىمدىن سىرغىيدۇ ۋولقان ،
جۇل تەنلىرىم ئەلەمگە قامال .
دىل تارەمنى چالىدۇ ھىجران ،
تىنىقىمدا تۈزلىنەر تاغلار .
ئارمانلىرىم  تەقدىرگە يەمچۈك  ،
پەريادىمدا تىتىرەيدۇ باغلار .
چىچەكلەيدۇ  دەردىمدە داستان ،
ياشلىرىمدا ئۈچىدۇ قۇياش .
ئوتلۇرۇمدا قاينايدۇ دېڭىز ،
تۇمۇرلۇرۇم  دوزاخقا  تۇتاش  .

  خوتەن . نىيا  

2017-2-5 كىچە