氹老婆的笑話情書 (港式口語風格冩作) - 第三章
2202Feb16早上
「禽獸」琴小明作為殺手女皇其中一個觀音兵,喺情人節同元宵佳節唔單止約唔到女皇,連打電話比女皇都冇人接聽,非常悶悶不樂。 貴為女神級嘅殺手女皇,唔需要向呢啲二三線觀音兵透露太多私穩。「禽獸」2月16號當曰早上忍唔住,想知女皇約咗邊個,就穿上一套白色燕尾禮服,揸埋𠳔架白色BMW去女皇屋企附近守株待兔。中午時分,佢等到啦,女皇一生青素淡粉紅連身裙. 淡妝落街,諗住買嘢食, 實行低調行事。但中咗單戀情毒-戇男狂嘅「 禽獸」就好似地球被大陽引力吸住氹氹轉咁, 無法抗拒女神嘅引力。 個頭唔知點解自己120度轉向,令視線自動對準殺手女皇。雖然頸部肌肉痛楚, 但「禽獸」依然扮曬風度翩翩即刻落車偶遇,可惜𠳔一開口就犯咗個男人喺情人節唔應該犯嘅錯! 𠳔好誠懇咁講, “女皇,你今日冇人約呀?” 殺手女皇聽到呢句話又見到「禽獸」一身去飲樣, 以為比人寸呢兩日要做剩女, 正怒火中燒。其實「禽獸」喺車度已經自編自導加埋分身飾演相方角色好幾次, 原定啲開場白係, “你好呀女皇, 咁啱嘅, 你咁好你講無人約我都唔會信, 但如果有啲啲時間比我攝嘅話, 不如大家遊下車河?” 此刻嘅女皇已經唔想再見到呢個人, 就隨口噏打發𠳔話, “我下星期要去非洲剛果出差, 到時我哋喺嗰邊見啦, 記得幫我準備多啲禮物派畀啲野生動物喎! 係咁啦我有事,拜拜!” 講完女皇就入咗商場。 雖然只得短短一分鐘對話,「禽獸」開心到震, 以為女皇約𠳔出trip兼委以重任, 非常開心。 喺嚟緊嗰幾日,𠳔日日去診所打針希望盡快打齊去非洲要嘅疫苗唔好影響入境, 仲好認真咁諗女皇要求他準備給非洲野生動物啲禮物喺啲咩? 𠳔唔敢打電話問女皇, 怕女皇話𠳔蠢, 將機會比其他人。
