སེམས་སྡུག་གི་རྨ་ཁ་ལ་བརྙས་བཅོས་ཀྱི་ཚྭ་ཆུ་ཤོས།
ངུ་སྐད་ཀྱི་སྡུག་བསྔལ་ལ་མཐོང་ཆུ་གི་ཁོང་ཁྲོ་བླངས།
དྲན་གདུང་གི་བསམ་བློ་ལ་འཆོ་མེད་ཀྱི་དགག་པ་བ་རྒྱབ།
འཆར་ཡན་གྱི་སྟོང་བསམ་ལ་བཟོད་མེད་ཀྱི་འགྲམ་ལྕགས་ཞུས།
རེད་ལགས།
ཁེར་རྐྱང་གི་འཚོ་བ་ལ་སུ་ཡིན་རུང་སུན་སྣང་དང་མཐོང་ཆུང་བརྙས་བཅོས་བྱེད་སྲིད་ལ་མཐོང་ཆུང་དང་བརྙས་བཅོས་ཀྱི་འཚོ་བ་ལ་སུ་ཞིག་ཀྱང་དགའ་མི་སྲིད།
ཁེར་རྐྱང་གི་ཨི་ཁུང་ལ་སེམས་གསོ་ཡི་ལྷན་པ་བརྒྱབ།
རང་གསོ་ཡི་ནུས་པ་ལ་ཁེར་རྐྱང་གི་རོགས་པ་བྱེད།
དད་ལྡན་གྱི་མི་ཚེ་ལ་མ་ཉོབ་ཀྱི་བློ་སྟོབས་འདོན།
དེ་བས།
མི་གཅིག་ཟུར་དུ་ལུས་པའི་འཚོ་བ་ལ་ཞེན་ལོག་ཏེ་བཟོད་བསྒོམ་གྱི་མིག་ཆུ་ཞིག་ཤོར། མིག་གཉིས་ཕུར་ཕུར་ཞིག་བྱས་ཏེ་སླར་ཡང་ཁེར་རྐྱང་གི་ལམ་ལ་ཆས།
སྣང་མེད་ཟུར་དུ་ལུས་པའི་སྡུག་རྩུབ་གི་སེམས་ཁམས་ལ།
དོར་མེད་ཡིད་ཆེས་དམ་ཆ་བརྟན་པའི་ཆོད་སེམས་གཅིག་གི།
ཁོ་བོའི་ར་ཟླར་འགྱུར་བའི་སྡུག་རུས་ཀྱི་གཤིས་ཀ་ཞིག།
ཁྱོད་མི་ལོ་བཅུ་ཕྲག་སོང་བའི་སྟོབས་འབྱོར་འཇོན་ཐང་ཆེ།
ཨ་ཁ་ཁ།
དུས་ད་བཟོད་མཐོང་ཆུང་གི་བརྙས་བཅོས་འཁྱེར་མི་དགོས་ལ་སྡུག་རྩུབ་ཀྱིས་བསྣོན་ཤུགས་དེའང་འཁྱེར་མི་དགོས། དུས་དེ་ནས་བཟུང་ང་རང་ཁེར་རྐྱང་གི་འཚོ་བར་དགའ་ཡིན་ཡང་དེ་འདའི་འཚོ་བ་རོལ་ཐབས་བྲལ། འཚམས་དེར་ང་རང་སླར་ཡང་མིག་གཉིས་ཀྱི་མིག་འབྲས་ཀྱི་རྒྱབ་ནས་མིག་ཆུ་བར་མེད་དུ་ཤོར། དེས་ན་ངུ་སྐད་ཀྱི་ང་རང་གི་སེམས་སུ་ཚ་སོབ་སོབ་ཀྱི་གད་མོ་ཞིག་ཀྱར་ཤོར་ཡོང་གི།།
