སྟོན་པ་འཆི་མེད་གཙུག་ཕུད་ཀྱི་རྣམ་ཐར་ཟུར་ཙམ།
སྟོན་པ་འཆི་མེད་གཙུག་ཕུད་ནི་བོན་གྱི་ལོ་རྒྱུས་ཐོག་ནས་གླེང་ན་ཆེས་ཁུངས་གཙིགས་པའི་གཏད་ས་ཡིན་ལགས། ཁྱད་པར་དུ་གཤེན་རབ་མི་བོའི་སྐུ་སྔོན་མ་ཡིན་པར་ཡིག་ཆ་དང་བདེན་དཔང་དུ་མ་སྲིད་པ་མངོན་སུམ་མོད། སྤྱིར་བཏང་ལོ་རྒྱུས་གང་མང་མང་ན་སུ་དང་སུའི་རྣམ་ཐར་བྲིས་ན་ཐོག་མ་འབྲི་ཡུལ་དངོས་ཀྱི་འཁྲུངས་ཡུལ། དེ་ནས་དེའི་ཡབ་ཡུམ་དང་མཛད་རྣམ་ཅག་ཡིན་པ་བཤད་མི་དགོས་པས་འདིར་རྒྱས་པ་མ་སྤྲོས་སོ། དེ་ཡང་ཐོག་མ་སྟོན་མཆོག་འཆི་མེད་གཙུག་ཕུད་ཉིད་འཁྲུངས་ཡུལ་རྩ་གསུམ་ལྷའི་ཡུལ་དུ་ཡིན་པ་ལེགས་བཤད་མཛོད་ལས་གསལ་ཞིང་
གངས་རིན་པོ་ཆེ་དང་རྒྱ་མཁར་བར་ཆོད་ཀྱི་ཉེར་ས་ན་ཡོད་ནམ་སྙམ། རྒྱུ་མཚན་ལོ་རྒྱུས་ཕལ་མོ་ཆེ་ཞིག་ན་ད་ལྟའི་སྟོན་པ་གཤེན་རབ་དང་དེའི་གདུག་འཚོབ་སོགས་དང་པོ་ལྷའི་ཡུལ་ནས་འབབས་ས་སྟག་གཟིག་ལ་ཡིན་པ་ལྟ་ཅི་སྨོས། ཐོག་མར་དེར་འགྲོ་དོན་མཛད་པ་ནས་རིམ་པ་རྒྱུད་པའི་ལོ་རྒྱུས་མང་བར་གསལ། བརྟག་ན་ལྷའི་ཡུལ་དེ་གངས་རིན་པོ་ཆེའི་ཉེར་སར་ཡོད་དམ་སྙམ། སྟོན་པ་ཉིད་ཀྱི་ཡབ་ལ་འཕྲུལ་གཤེན་རྣམ་ལྡན་སྨྲས། ལ་ལས་འཕྲུལ་རྒྱལ་ཁུང་པ་ཡང་བཞེད་སྲོལ་ཡོད། ཡུམ་ཡུམ་ཆེན་ཐུགས་རྗེ་བྱམས་མའི་སྤྲུལ་པ་ཡམ་ཆེན་ཟང་ཟ་རིག་བཙུན་ཡིན། དེ་ཡང་དེ་ལས་གཞན་སྲིད་པ་རྒྱལ་མོའི་མིང་འདོགས། དེ་ཡང་དམག་དཔོན་མཚོན་ཟེར། ཡབ་ཡུམ་དེ་གཉིས་ཀའི་སྲས་ལ་སྟོན་པ་འཆི་མེད་གཙུག་ཕུད་ཟེར་བ་ལོ་རྒྱས་ཕལ་མོ་ཆེར་གསལ།འཆི་མེད་གཙུག་ཕུད་ཀྱི་དངོས་སློབ་གསང་བ་འདུས་པ་དང་དབལ་བོན་སྟག་ལ་གཉེན་པོ་པ་བཤད། དེ་གཉིས་ཀྱི་རྒྱུད་པའི་སློབ་མ་ལྷ་གཤེན་ཡོངས་སུ་པ། ཀླུ་སྒྲུབ་ཤེས་ཤེས་སྙིང་པོ རྒྱལ་གཤེན་མི་ལུས་བསམ་ལེ་སོགས་བཤད། ཁོང་གི་གསུངས་པའི་བོན་ནི་རྫོགས་ཆེན་སེམས་སྨད་སྡེ་དགུ། རྩ་རྒྱུད་གསང་བ་གསེར་ཐུར་སོགས་རྫོགས་ཆེན་སྐོར་མང་བ་ཡོད་དོ། ཞེས་སྟོན་པ་རྫོགས་པའི་སངས་རྒྱས་གཤེན་རབ་མི་བོའི་སྐུ་ཚེ་སྔོན་པའི་སྟོན་པ་འཆི་མེད་གཙུག་ཕུད་ཀྱི་རྣམ་པ་ཐར་བ་ཟུར་ཙམ་འདི་ལ་བར་སྐབས་ཀྱི་ཚིགས་སུ་བཅད་པའོ།
ཉག་བཙུན===ན་བུན་གྱིས་ལ་ཁའི་དགོན་དུ་སྦྱར་བའོ།
