བོད་ཁྲག་དེས །
ཞལ་རས་དཀར་གསལ་བཅོ་ལྔའི་དུང་ཟླ།།
སྐྱེ་གཟུགས་དྲང་མོ་ཚིགས་དྲུག་སྨྱུག་མ།།
ནག་སྣུམ་སྐྲ་ལོ་རྒྱ་ལྕང་ལོ་མ།།
གངས་དཀར་སྒྲོལ་མ་མོ་བརྒྱའི་དྭངས་རྩེ།།
མཛེས་དང་མི་མཛེས་མིག་གིས་ལྟ་ཆོག།
སྙན་དང་མི་སྙན་རྣ་བས་ཉན་ཆོག།
གཤིས་འཇམ་བབ་ཆགས་ངང་རྒྱུད་བཟང་བོ།།
གངས་དཀར་སྒྲོལ་མའི་རྒྱན་གྱི་མཆོག་ཡིན།།
མཛངས་མའི་ཡོན་ཏན་ལྡན་ཞེས་མི་སྤོབས།།
མཛེས་མའི་སྒེག་ཉམས་ལྡན་པ་མངོན་གསལ།།
འུར་བསྟོད་ཚིག་གི་ཕྲེང་བ་མི་སྤེལ།།
དོན་ལྡན་གཏམ་གྱི་བརྗོད་བྱ་ཁྱོད་ཡིན།།
སུ་ཡིན་འགྲོགས་པའི་བྱ་སྤྱོད་ཟེད་པོ།།
མི་སེམས་ནག་ཐིག་བཟོ་བྱེད་ཡིན་པས།།
རིང་ནས་འདྲིས་པའི་ཕྱི་ཐག་བརྟན་པོ།།
གངས་དཀར་སྒྲོལ་མའི་རྒྱན་ཆར་རློམ་ཡོད།།
གངས་དཀར་སྒྲོལ་མ་གླེང་བའི་ལེའུ།།
སྙན་ངག་མཁན་པོའི་སེམས་ཚོར་མིན་ཏེ།།
ཤོག་སྙུག་བརླག་པར་དགའ་བའི་བདག་གིས།།
དེ་རིང་གཏམ་གྱི་གླེང་གཞི་ཁྱོད་ཡིན།།
