第一道阳光
今日因为坐早机未天光就起身，而重遇好耐无见清早初起既太阳。屋企厨房系最东望海，太阳晒入黎会先一条条綫甘斜斜地伸入黎，再慢慢甘照亮个厅同整暖间屋，猪最爱扒系窗台边晒太阳望街。每日清晨就系我地既私人时光，天未光我就开始同佢准备早餐跟住食药梳毛复诊，太阳光就趁我地一啖喂一啖食时偷偷入黎，照得佢毛色发亮，睇住猪咀嚼个滋味样，好似食龙肉甘叹，咪咪咀对住我笑，我成日都祈求时光可以停留，至少行慢D，多D卑我地相依既时间。果段日子唔系过左好耐，我无嫌过辛苦或者怱忙，反而令我怀念。
今日我都企系厨房十分钟等第一綫晨光照满全身。
猪我地出发咯。
