དེ་རིང་སྔ་དྲོའི་དུས་ཚོད་དགུ་ཐོག ཀྲུང་གོ་གུང་ཁྲན་ཏང་གི་སྐབས་བཅུ་དགུ་པའི་འཐུས་མི་ཚོགས་ཆེན་པེ་ཅིན་དུ་གཟབ་རྒྱས་ངང་དབུ་ཚུགས་ཤིང་། ངེད་སློབ་གྲྭའི་དགེ་སློབ་ཡོངས་ཀྱིས་ནན་ཏན་ངང་ཏང་གི་འཐུས་མི་ཚོགས་ཚོགས་ཆེན་གྱི་འགོ་ཚུགས་ཐད་གཏོང་ལ་བལྟས་ནས། ཏང་གི་འཐུས་མི་ཚོགས་ཆེན་གྱི་སྙིང་སྟོབས་ལ་སློབ་སྦྱོང་གཏིང་ཟབ་ཞུས་པ་ཡིན།
བསྒྱུར་བཅོས་སྒོ་དབྱེ་བྱས་ཚུན། ང་ཚོའི་ཏང་གིས་སྔ་ཕྱིར་རྒྱལ་ཡོངས་འཐུས་མི་ཚོགས་ཆེན་ཐེངས་བདུན་སྐོང་ཚོགས་བྱས་པ་དང་། ཐེངས་རེ་རེས་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་བྱ་གཞག་གི་གཟི་བརྗིད་དམིགས་འབེན་མཚོན་པར་མ་ཟད། ཀྲུང་ཧྭ་མི་རིགས་བསྐྱར་དར་རླབས་པོ་ཆེ་ཡོང་བའི་མཛེས་སྡུག་གི་ལེའུ་གསར་པ་རེ་གཏོད་ཡོད། ཏང་གི་ཚོགས་ཆེན་བཅུ་དགུ་ནི། རང་རྒྱལ་ཁྱོན་ཡོངས་ནས་འབྱོར་འབྲིང་སྤྱི་ཚོགས་བསྐྲུན་པའི་རྒྱལ་ཁའི་དུས་སྐབས་དང་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་འཕེལ་རྒྱས་ཀྱི་གནད་འགག་དུས་ལ་ཚོགས་པའི་གལ་འགངས་ཤིན་ཏུ་ཆེ་བའི་ཚོགས་ཆེན་ཞིག་ཡིན།
