རིག་བྱེད་འཚོ།
ཆུ་སྐྱེས་པད་མའི་བཞིན་ཟླ་སེམས་སོང་གི་གྲོགས་པོ།།
ཇི་ལྟར་འཚར་སྐྱེ་བྱས་པའི་ངོ་བོ་དེ་མ་འཚལ།།
ཤེས་དུས་ང་ཡི་མགྲོན་ཆེན་ཁྱེད་རང་ལགས་ཡིན་འདུག།
བདག་གཞིས་སྙིང་རྩར་རྩེན་པ་ཨེ་མ་ཞིག་མཚར་སོང་།།
མོ་ལོ་ཉེར་ལྔར་ལོན་པའི་མོ་གསར་ངའི་སྣང་བ།།
གལ་ཡོང་ཅི་ཆ་མ་འཚལ་ལམ་ཐུག་གི་མགྲོན་ཁྱོས།།
དགའ་སྣང་སྐྱོ་སྣང་འདྲེས་མའི་ཚོར་འདུ་ཞིག་བླུད་པ།།
སྔོན་བསགས་ལས་འཕྲོ་ཟེར་བའི་བཀོད་སྒྲིག་དེ་ཨེ་ཡིན།།
ལྟོགས་ན་མི་ཚོགས་ཁྲོད་ནས་བཟོ་ལྟ་ལ་མི་འཛེམ།།
དགོད་ན་གྲོང་ཁྱེར་དཀྱིལ་ནས་ཧབ་ཆ་དེ་སྒྲོག་མྱོང་།
བཤད་ན་གྲོགས་ཚོའི་ཟུར་ནས་ཁ་སྔོན་དེ་བླངས་ཀྱང་།།
ཁྱེད་འདུན་ང་ཡིས་བཀུག་པའི་བརྟུལ་ཞུགས་དེ་ཀྱེ་མཚར།།
