好耐都冇长篇大论咁写过嘢，呢半年来收获同感悟都比前两年要多得多，接下来就系本人嘅吐槽时间……

三观，何为正常三观？

呢几年三观呢两个字出现的频率越来越多，似乎衡量一个人好与坏都会用三观去表达；但系好多人将常常挂在嘴边嘅三观究竟系咩嚟都未必解释得清楚，小弟我就从百度百科上截取一段同大家剖析一下。

三观一般是指世界观、价值观、人生观，这是被大多数人所认知的三观，它们辩证统一，相互作用，崇高的真善美为三观的追求目标。

睇完呢段字，大家似乎都对三观呢两个字有具体的认识；里面提到的真善美就系真实，善良，心灵上美丽；但系系呢个尔虞我诈嘅社会里面，有几多人真系做到呢？

正因为人性丑恶，三观不正，毁三观呢d网络词语就应运而生了，曾几何时我自己都系一个三观不正嘅人，但经过呢大半年嘅洗礼，遇到过嘅人与事之后，我自己都进行过深刻嘅反省，呢个过程我最感谢嘅就系书籍，一本好嘅书真系可以洗涤人嘅心灵，改变人嘅三观；佢可以令到一个人能够将浮躁嘅心灵平静下来，能够放空自己理性地思考人生。

但当自己嘅三观似乎真系去到一个真善美嘅标准面前，我系朋友嘅眼中却变成一个不通人情世故自闭嘅老实人，我唔去宵夜饮酒被认为封闭自己没有社交，我上班一个人吃饭就系远离领导视线，成世冇得扎，当我唔用华丽嘅辞藻去吹嘘自己嘅时候我就成为一个老实人。

老实人其实系一个贬义词

十年前老实人似乎呢个称呼系赞紧人，但今时今日老实人呢三个字，意思就大有不同了，形容一个人蠢，不懂变通，经常被骗，担屎唔偷食等等，当有朋友话你系老实人嘅时候就要好好检讨一下啦，真系忠忠直直，终需乞食！

咁点解我要做一个老实人？有时讲下大话呃下人不香吗？如果话我呢世仔冇讲过大话冇呃过人冇装过逼，讲都冇人信啦，但有句话说得好，当说出一句谎言嘅时候就要千千万万个谎言去圆谎，呢种感受我体验过，真心很累，讲出一句大话很轻松，但以后都要为呢个大话去埋单，我真系冇呢个本事，既然系咁不如做一个实在d嘅老实人，起码每晚训觉都训得安乐d啦。

不屑于灯红酒绿纸醉金迷，做人真的很苦逼？

世界真系会变得好快，曾经一班亲密无间嘅好朋友，大家嘅兴趣爱好越来越多，饮酒好似系每一个成年人必修嘅一个课题；每次听到佢地赛后讨论，都会讲又有边条女食，果晚又点点点…出于好奇心，我自己都去窥探一下，又真系好多嘢睇。

与其话夜场里面多野睇，计我话夜场门口仲多野睇！当我一个人静静地坐着夜场门口旁，睇见有男呕到肠穿肚烂，有女嘅饮到不省人事，平时衣着光鲜嘅人系呢一刻就好似未进化嘅动物一样，憨态可掬，那个时候滴酒未沾嘅我越睇觉得真系越好笑，当我入到去发现d兄弟全部有所斩获嘅时候我终于明白点解佢地咁钟意饮酒了，不得不说酒精真系可以拉近人与人嘅距离，模糊人与人之间嘅视线，刺激彼此大脑嘅多巴胺，使得很多男男女女第一次见面就可以亲密无间，不过我好似我呢d唔饮得唔识玩嘅憨憨，真系冇呢个本事好似佢地咁叻…好快我就知道我来饮酒系负责a钱的。

当潮流爱新鲜 当旁人爱标签

上述呢句歌词出自于Eason嘅无条件，唔同人对呢首歌都有唔同嘅见解，无可否认人真系不顾一切地去追求奢侈品并不是单单满足自己的虚荣心，而系希望系人地眼中自己系一个过得不错，活得有品位的人；究竟呢种心态系为自己而活着还是为别人活着呢？

唔止一两个人朋友话过我不修边幅，衣着求其，开头我都仲会顶佢地两句，后来我都懒得反驳，你地话系就系啦，买鞋我就只会去折扣店，买衫就只会去uniqio h&m 随便执，我就系大家口中最冇衣品 着裤可能唔记得拉链 着衫可能扣错钮嘅人，大家已经过了一起穿校服嘅年纪，一个人的地位高与低似乎就用外表去衡量，就这样我就被人贴上很多标签，渐渐地我有时买衫究竟系人地觉得好睇我去买边件定系我自己觉得好睇舒服买边件陷入无尽嘅思考困境…

放低姿态，接受定位

有朋友跟我说，以我的条件不可能找不到女朋友，只要系外表上执一执，60分可以变80分；然而我就系唔听，我冇自己固定嘅发型，一头圆寸自然卷由得佢野蛮生长，我冇自己穿衣风格，着得舒服系前提条件，我冇任何饰物，只有一个小米手环记录一下睡眠状态，大家可以话我不修边幅，尼fea都冇问题，因为我已经接受咗呢个定位；我唔系唔识讲大话去装逼，我只不过系不想讲也懒得讲；我唔会去粉饰自己嘅朋友圈，我只会用朋友圈来记录有趣有意义嘅事情；我系一个普通人，冇咩家庭背景，我唔会去透支一些我力所不能及嘅爱好和事情；直男又好舔狗也好，呢d标签只会系不了解我嘅人随随便便地去贴，如果你都系咁认为，或许你是对的。

结尾：点题

经历过呢次疫情，有好多人经历生死，生意失败，事业遭受打击，似乎做人最紧要开心呢句tvb对白真系好难实现，点样做人做得开心？最紧要就系做自己，做一个乐观嘅悲观主义者，凡事不抱有任何期望，往往做好最坏打算，别人嘅承诺听听就好，除咗屋企人冇人会无条件地对自己好，好嘅事情轮不到自己，寄望坏嘅事情不发生就好了，遇到坏嘅事情不要放弃，不要伤心，庆幸自己还没遇到更坏的情况，至少自己还能训个安稳觉，还能看到第二日嘅太阳，金钱只不过系一个数字，如果因为钱影响了自己的心情，控制了自己的情绪，咁自己只不过系一个金钱嘅奴隶，揾钱只不过系实现自己价值嘅过程，揾得唔多证明自己道行不够，还需历练。

如果你能够一字一句地睇到我写到呢度，证明你真系一个好关心我嘅朋友，好感恩能够遇到你，衷心地说声谢谢你！