དགེ་བཤེས་ཐུབ་བསྟན་རྡོར་རྗེ་ནི་འབྲས་བློ་གླིང་མི་ཉག་ཁང་མཚན་ནས་ཡིན་པ་དང་། 1959ལོར་སྐུ་འཁྲུངས་པ་དང་ད་ལྟ་རང་ལོ་58ཡིན་འདུག ཕྱི་ལོ་1994ལོར་དགེ་བཤེས་ལྷ་རམས་པའི་མཚན་རྟགས་བཞེས་ཏེ་དཔལ་ལྡན་སྟོད་རྒྱུད་གྲྭ་ཚང་དུ་ཆོས་ཐོག་ཕེབས། 1991ལོར་དེང་དུས་ཀྱི་ཤེས་ཡོན་མང་པོ་ཞིག་ལ་སྦྱོང་འདོད་ཡོད་པས་ཨ་རིར་ཕེབས་ནས་ལོ་གསུམ་ཙམ་རིང་ཨ་རིའི་ལྷོ་ཕྱོགས་སུ་་་་་་SpringHillCollege་་་ཞེས་པའི་ཡེ་ཤུ་དགོན་པ་ཞིག་གི་སློབ་གྲྭ་ནང་སློབ་སྦྱོང་བྱས། ཕྱི་ལོ་2006་ལོར་ཟླ་བ་དྲུག་ཙམ་གྱི་རིང་དཔལ་ལྡན་སྟོད་རྒྱུད་གྲྭ་ཚང་གི་དགེ་བསྐོས་བཞེངས། ཕྱི་ལོ་2005ལོར་རྡ་སར་དཔལ་ལྡན་སྟོད་རྒྱུད་གྲ་ཚང་དུ་སྔགས་རྒྱུགས་ཕུལ་ནས་ཨང་རིམ་གཉིས་པའི་སྔགས་རམས་པའི་ཕྱག་འཁྱེར་བླངས། ཕྱི་ལོ་2006ལོརཨར་གྷན་སས་མཐོ་རིམ་སློབ་ཆེན་དུ་གདན་ཞུ་གནང་བ་ལྟར་ད་ལྟའི་བར་སློབ་ཕྲུག་བརྒྱ་ཕྲག་མང་པོར་བྱམས་སྙིང་རྗེ་རྩ་བར་གྱུར་པའི་ལྟ་གྲུབ་དང་རིག་གཞུང་སྐོར་སློབ་འཁྲིད་གནང་། ལོ་གཉིས་ཀྱི་མཚམས་སུ་སློབ་ཕྲུག་ཉི་ཤུ་ལྷག་རྒྱ་གར་དུ་བཙན་བྱོལ་གཞུང་དང་དགོན་པ་ཁག་ཏུ་ཉམས་ཞིབ་ཁྲིད་པ་སོགས་རླབས་ཆེན་གྱི་ཕྱག་ལས་གང་མང་གནང་། 2011ལོར་མཐོ་རིམ་སློབ་ཆེན་དེར་སྤྱི་ནོར་༸གོང་ས་སྐྱབས་མགོན་ཆེན་པོ་མཆོག་གདན་འདྲེན་ཞུས་ཏེ་མི་མང་ཁྲི་ཕྲག་མང་པོར་༸གོང་ས་མཆོག་གི་ལམ་སྟོན་བཀའ་སློབ་ཞུ་རྒྱུ་ཡི་སྐལ་བཟང་གི་གོ་སྐབས་ཐོབ། ཕྱི་ལོ་2016ལོར་མཐོ་སློབ་འདི་ཉིད་དུ་གཏན་འཇག་སློབ་དཔོན་དུ་བདམས་ཐོན་བྱུང་ཞིང་། གཞན་ཡང་ཞོར་ལ་མཐོ་སློབ་མང་པོའི་ནང་སློབ་འཁྲིད་གནང་བཞིན་པ་དང་། ད་དུང་གྲྭ་ཚང་ནང་བཞུགས་བའི་སྐབས་སློབ་གྲྭའི་དགེ་རྒན་སོགས་ཕྱག་ལས་གང་མང་གནང་ཡོད་པ་བཅས།
