图片发自简书App
བདེན་པའི་མི་ལ་བདེན་པའི་ལམ་སྟོན་པ།།
བདེན་པའི་གཏམ་ལ་བདེན་པའི་ལན་བྱིན་པ།།
བདེན་པ་ཉིད་ལ་གནས་ལུགས་བཅོལ་མཛད་པ།།
བདེན་པར་སྨྲ་བ་གང་དེ་གཙུག་ན་རྒྱལ།།
མི་སྙན་སྨྲ་ལ་བཟོད་པའི་གོ་ཆ་གྱོན།།
མི་བཟོད་བྱ་དཀའི་སྤྱོད་པ་དང་དུ་བླངས།།
མི་སེམས་ཞི་བདེའི་ཐབས་ལ་ནམ་ཡང་བརྩོན།།
མི་ཡི་མགོན་པོ་གང་ཉིད་གཙུག་ན་རྒྱལ།།
འཛམ་གླིང་མཁས་བརྒྱའི་གྲས་ན་ཁྱེད་ཉིད་མཛེས།།
ཐོབ་འོས་ཞི་བདེའི་རྟགས་མ་དེ་ལས་མཛེས།།
དམར་སེར་གོས་ཀྱི་རྒྱན་བཟང་ལྷག་དུ་མཛེས།།
འཇིགས་མེད་འགྲོ་བའི་དེད་དཔོན་ཕྱག་གི་ཡུལ།།
རྒྱས་རྒྱས་ཚིག་གིས་སྤྲོས་པ་མི་ཆེ་ཞིང་།།
སེམས་ཀྱི་མི་ལ་བསྟོད་པའི་ཚིག་ཐུང་འདི།།
སྐར་ལྔའི་རྒྱལ་དར་བཙན་གྱིས་ཕྱར་ས་ནས།།
ཅང་མེད་བོད་ཁྲག་བུ་ཡིས་སྦྱར་བའོ།།
བོད་ཁྲག་གིས
