གླུ་མཆོད་འབུལ་མ།
ཞོགས་མེ།
ཟླ་བའི་ཡོབ་ཆེན་ལ་སྐར་མའི་འཛུམ་ཆུང་གྲོལ།།
ཉི་འོད་ཞབས་རྗེས་ཀྱིས་ས་རྡུལ་འོད་དུ་ཞུ།།
མཐས་ཡས་ནམ་མཁའ་རུ་རྒོད་པོའི་དཔུང་རྡུང་བསྒྲིགས།།
སྐྱོ་གར་འཁྲབ་ས་རུ་སྣང་བའི་ལྷ་ཡུལ་ཚེས།།
ཡར་ཡར་ཕོ་བྲང་གི་རྩེ་མོ་ཉི་ཟླས་བརྒྱན།།
མར་མར་ཐང་ཆེན་གྱི་བྲང་ཁ་གཙང་བོས་དཀྲིས།།
བརྡ་གླུ་མཚོན་བྲིས་ཀྱི་ཡི་གེ་གསང་རྒྱ་མས།།
ཁྱོད་ལ་མ་ཕུལ་བའི་དབྱངས་ཤིག་མ་མཆིས་སོ།།
ལྐུགས་པའི་རྣམ་འགྱུར་གྱིས་བླངས་བའི་མགུར་མ་ཡང་།།
གསོན་ཅིག་སྙིང་པོ་ཆོས་ཀྱང་གནད་གཅིག་འདུས།།
2021.9.9
