༄༅།། ཀ་དག་བོནཉིད་ངང་ལས་མ་གཡོས་ཀྱང་།
ཁ་དོག་ལྔ་ལྡན་ལོངས་སྐུའི་བྱིན་རླབས་གནས།
ག་བུར་རྡུལ་རྩེགས་རི་བོ་མགོན་ལྷ་འདི།
ང་ལྕག་ཡུལ་སྐྱོངས་མཆོད་པའི་གནས་སུ་གྱུར།
ཅ་ཅོ་ཙམ་མིན་དོན་གྱི་མཆོད་བསྟོད་འབུལ།
ཆ་ལུགས་མ་ངེས་མི་རིགས་སྣ་མངས་འཛོམས།
ཇ་ཆང་ཕུད་རྒོད་མཆོད་པ་འདི་བཞེས་ལ།
ཉ་ར་རྟ་ནོར་ར་ལུག་ལམ་འཕྲང་སེལ།
ཏ་ལེར་སྐལ་བཟངས་སྒྲོན་མའི་དུས་སྐབས་འདིར།
ཐ་སྙིད་བྲལ་བའི་གཡུང་དྲུང་བོན་བསྟན་དར།
ད་ནི་འཛམ་གླིང་གོ་ལ་ཧྲིལ་པོར་ཁྱབས།
ན་ཚ་སྡུག་བསྔལ་རྐྱེན་བགེགས་བྱད་ཁ་ཟློག
པ་བསང་ལྟ་བུའི་ཡུལ་སྐྱོངས་མགོན་ལྷའི་སྐྱོབས།
ཕ་མའི་བུ་བཞིན་སྐྱོངས་ལ་མེར་རྩེ་མཛོད།
བ་ཕྱུག་རྫི་བོ་བཞིན་དུ་བྱ་ར་མཛོད།
མ་ཡེལ་ཉིན་མཚན་ཀུན་ཏུ་ཞིངས་ཁམས་འདིར།
ཙ་རིའི་ཞིངས་སྐྱོང་ལྟ་བུའི་སྡོང་གྲོག་མཛོད།
ཚ་གྲངས་བཀའ་ཐུབ་བཟོད་པའི་རྣལ་འབྱོར་ལ།
ཛ་དྲག་སྐྱེན་ངན་སེལ་བའི་སྡོང་གྲོགས་མཛོད།
ལྦ་ལེར་ཏིང་འཛིན་མི་གཡོ་བསམ་གཏན་གླིང་།
ཞ་དཀར་ཐིག་ཆེན་བོན་གྱི་བ་དན་འཕྱོར།
ཟ་གོས་ཅི་མདོད་ཕུན་གསུམ་ཚོགས་གནས་སུ།
འ་ཅག་གདུང་བའི་བསང་མཆོག་འདི་འབུལ་བའི།
ཡ་རབ་རིག་འཛིན་གོང་མའི་བཀུར་བའི་གནས།
ར་བ་གངས་ཅན་ལྗོངས་སོག་གཟིགས་མཛོད་ལ།
ལ་ལུང་གང་ནས་བཟང་ཤིང་བསང་མཆོད་འབུལ།
ཤ་ཚ་སྙིང་རྫེའི་ཕ་མའི་བུ་ལྟར་སྐྱོོངས།
ས་སྟིང་སྐྱེ་བོ་ཀུན་གྱི་བསྟེ་གནས་སུ།
ཧ་ཧ་ཧེ་ཧེ་ངང་ནས་བསང་མཆོད་འབུལ།
ཨ་ཧོ་ཀི་བསོ་ཆེའོ་ལྷ་རྒྱལ་ལོ།
གནས་འདིའི་མཚམས་པ་བསམ་གཏན་གཙུག་ཕུད་བདག་གིས་བྲིས།
།
