ཁ་བ་རི་པའི་ཡུལ་གྲུབ་འདིར་ཆེས་མི་རིགས་གཞན་ལས་ཁྱད་དུ་འཕགས་པ་བ་གལ་ཞིག་གཙིགས་སུ་ཡོད་པ་ནི་འགྲོ་བ་སེམས་ཅན་གྱི་བདེ་སྡུག་ཁོ་ནར་ཞིབ་འཇུག་དང་བརྟག་དཔྱད་ལམ་ནས་བཀོད་པ་ཞིབ་ཕྲ་ཞིག་རྩོལ་བའི་འབྲས་ལས་ཐབས་ཤེས་ལེགས་པ་ཞིག་འབྱུང་ཐུབ་ཡོད་པ་རྒྱལ་བ་སངས་རྒྱས་ཁོང་རང་ཉིད་ཀྱིས་མཛད་པའི་བསྟན་པ་རིན་པོ་ཆེ་འདི་ནི་ཡིན་ལགས། དེ་ཡང་མཛད་པ་པོ་ད་ལྟའི་བསྐལ་བ་བཟང་པོ་སངས་རྒྱས་སྟོང་རྩ་གཉིས་ལས་རྣམ་མཁྱེན་སྟོན་པ་གཤེས་རབ་མི་བོ་ཆེ་ཞེས་པའི་མིང་དོན་དང་ལྡན་པ་ཞིག་འོལ་མོ་ལུང་རིང་མཚན་པའི་བདེ་བ་ཅན་གྱི་ཡུལ་གྲུབ་ནས་ཡོད་པ་དེ་དང་རྒྱ་གར་འཕགས་པའི་ཡུལ་ལ་རྒྱལ་བ་ཐུབ་པ་མཚན་ལྡན་གཉིས་ཡིན་པ་ལོ་རྒྱུས་ཁུངས་བཙན་པ་གཟུ་བོར་གནས་པ་དག་གིས་བདེན་དཔང་ཐུབ། དེ་ཡང་རེ་འགས་གླེང་ན་ནང་པ་སངས་རྒྱས་པའི་མིང་དོན་གཉིས་དེ་ཐུབ་པ་བོད་ཡུལ་མ་བྱོན་སྔོན་མེད་པ་དང་། ཐུབ་པ་བོད་དུ་བྱོན་ནས་ད་བར་ཕལ་ཆེ་བ་ལོ་གཉིས་སྟོང་གྲགས་སོང་ཟིན་པ་ལོ་རྒྱུས་ཕལ་མོ་ཆེ་ཡོད་སྟབས། དེ་ནས་ཁོང་བོད་ལ་གསར་དུ་ཕེབས་བ་ཆོས་ལུགས་བོད་དུ་དར་སྤེལ་བཏང་ནས་བཟུང་ད་གཟོད་ནང་པ་སངས་རྒྱས་པ་འདི་མང་དོན་གཉིས་ཀ་ཡོད་པ་རེད་ཟེར་སྒྲུབ་ཀྱིན་ཡོད་རེད། དེ་ཡང་གླེང་པ་པོ་ཉིད་ལ་འདུ་ཤེས་འཛིན་སྟབས་ཤིག་ཁོང་རང་ལ་ཡོད་ན་ཐང། འོན་ཀྱང་འུ་ཚོ་བདེན་པར་འཛིན་དགོས་ན་འདི་ཁུང་གཏད་ས་གཙོ་བོ་དཀའ་སྙིག་མ་དང་ལོ་རྒྱུས་སྙིག་མ་དག་ཡིན་པ་ལས་གཞན་ཡོད་པ་དཀའ་བའི་གནས་སུ་གྱུར་རོ། དེས་ན་བོན་འདི་ནང་པ་སངས་རྒྱས་སྒྲུབ་བྱེད་དམ་པོ་སྟོན་པ་ཉིད་ཀྱི་བཀའ་དང་བཀའ་རྟེན་དག་ལས་འབྱུང་ཡོད། བོན་ལུགས་ཀྱི་སྟོན་པའི་གཙོ་བོ་ལོ་གཅིག་ཁྲི་བརྒྱད་སྟོང་ལྷག་ན་མི་ཡུལ་དུ་བྱོན་པའི་གཤེན་རབ་མི་བོའི་བཀའ་རྣམ་དག་ལས་ནང་པ་སངས་རྒྱས་པ་ཞིག་ཐ་སྙད་འདི་ཡོད་པ་འདི་ལྟར། ཇི་སྐད་དུ།
༼ སྙིགས་མ་ལྔའི་སེམས་ཅན་གདུལ་དཀའ་ལོག་པ་མང། །
བདུད་དང་བདུད་ལ་ཕྱོགས་ཤིང་ལམ་ལ་གོལ་བ་མང་། །
མཐའི་མུ་གེ་རྟག་ཆད་ཕྱལ་བར་གོལ། །
ནང་པ་སངས་རྒྱས་ལམ་ལ་གོལ་བ་མེད།། ༽
སངས་རྒྱས་གཤེན་རབ་མི་བོས་གསུངས་སོ།
དེ་མ་ཚད་བཀའ་རྟེན་ལས་ཀྱང་མིང་དོན་རྣམ་དག་གྲུབ་པ། བོན་ལུགས་ཡིག་ཆའི་གཙོ་བོ་མཁས་ཆེན་ཉི་མའི་ཕར་ཕྱིན་ལས་ནང་པ་སངས་རྒྱས་ཀྱི་མཚན་ཉིད་དང་བཅས་པ་གསུངས་པ་དང་བོན་དེ་ནང་པ་ཡིན་པ་ཡང་མཚན་ཉིད་དེ་ལྡན་ཕྱིར་དང་སྟོན་པས་ནང་པ་སངས་རྒྱས་་ལམ་ལ་གོལ་མ་མེད་གསུངས་པ་དག་ལ་ཕྲག་དོག་དང་ཞེ་སྡང་དབང་མ་ཤོར་བར་བློ་གཟུ་བོའི་ངང་ནས་དཔྱད་ན་རྟགས་རྟགས་བརྟན་བརྟན་ཡོད་པ་སྒྲུབ་ཐུབ་བོ། མ་གཏོགས་ཐུབ་པའི་ནང་པ་སངས་རྒྱས་པ་ཡང་དེའི་མཚན་ཉིད་དང་དཀའ་ལས་གྲུབ་པའི་ཕྱིར་ན་ནང་པ་སངས་རྒྱས་ཡིན་པར་ཐག་ཆོད་པ་ཅི་མ་ཡིན་ནམ། ཁྱབ་པ་ཡང་འགྲིག ཡང་གཅིག་བཤད་ན་ཐུབ་པ་མ་བྱོན་སྔོན་ལོ་གཅིག་ཁྲི་ལྷག་ན་གཤེས་རབ་མི་བོ་ཡོད་པས་ནང་པ་སངས་རྒྱས་ཀྱང་དེའི་དུས་སུ་ཡོད་པ་ཤུགས་སུ་འགྲུབ། སྐབས་ཐོག་དེ་ན་མཆོག་གསུམ་སྐྱབས་གནས་སུ་ཁས་ལེན་པའི་གྲུབ་མཐའ་བཞུགས་པའི་གང་ཟག་ཅིག་ཡོད་པ་གང་ཞིག་བོན་ལུགས་སུ་དེ་ནང་པ་སངས་རྒྱས་པའི་མཚན་ཉིད་ཡིན་པའི་ཕྱིར། རྟགས་ཚད་མས་གྲུབ། དེ་ལྟར་ན་ཐུབ་པ་བོད་དུ་མ་བྱོན་སྔར་ནང་པ་སངས་རྒྱས་པའི་མཚན་ཉིད་ལྡན་པ་གང་མང་མང་ཡོད་པས་སོ། གྲུབ་མཐའི་ཆགས་ཞེན་ཕྱོགས་སུ་མ་ལྷུག་ནས་སྤྱིར་བསམ་བློ་ཞིབ་ཕྲ་བཏང་བ་ན་གནད་ལུགས་སུ་འགྱུར་བས་ཀུན་གྱིས་གལ་གཙིགས་རེད།དེས་ཕྱིར་ཕྱི་ནང་སངས་རྒྱས་པ་ལ་ནི།རང་ཉིད་ནང་པ་ཅིའི་ཕྱིར་པར་བསམ་གཞིག་ནན་ཏན་རང་ངོ་ར་བཏང་ནས་གཞན་ལའང་དེ་མཚུངས་བལྟ་དགོས་པས། ཁ་དང་ཕྲག་དོག་ཙམ་གྱིས་མ་དཔྱད་པར་དྲང་བོ་དྲང་རྐྱང་གཟུ་ལམ་སྒོ་ནས་འཇུག་ན་འགྲིག་གི་སེམས།ཁྱད་པར་བ་ཞིག་ནི་ནང་པ་སངས་རྒྱས་པར་མཚན་ཉིད་ཡོད་པས་དེར་ལྡན་མི་ལྡན་བརྟག་ནའང་ལེན་བརྟན་པོ་རྙེད་ཐུབ་པ་ལྟ་ཅི་སྨོས། ཡིན་གཅིག་མིན་གཉིས་རང་ཐག་ཆོད་དགོས་པ་མ་ཡིན་ནོ།
དབྲ་བཙུན་ན་བུན་གྱིས་རྒྱ་ཟླ༨ཚེས༡༨ཉིན་ལ་སྦྱར་རོ།
