འཚོལ་བའི་མི། དེ་རིང་རྙེད་བྱུང་།
ཁྱོད་གང་ན་སོང་།
སྨག་རུམ་གྱི་ཁྲོད་ནས། ལག་ཟུང་གི་སྦྲེལ་ཐག་ཆད་རྗེས།
ཁྱོད་གཏན་དུ་བོར་སོང་། དུས་དེ་ནས་བཟུང་།
ངས་འགྱོད་སེམས་དང་ན་ཟུག་ཁྱེར་ཏེ་ཁྱོད་ཁོ་ན་འཚོལ་ནས་འགྱེལ།
ཁྱོད་གང་ནས་བསྡད། རྨི་ལམ་གྱི་ཁྲོད་ནས།
ལྷན་འཛོམ་གྱི་ལས་འཕྲོ་རྫོགས་རྗེས།
ཁྱོད་གཏན་དུ་བོར་སོང་། དུས་དེ་ནས་བཟུང་།
ངས་ཕྱིར་དྲན་དང་སྐྱོ་བ་ཁུར་ཏེ་ཁྱོད་ཁོ་ན་གླེང་ནས་ངུས།
ཁྱོད་གང་ནས་འཚོས།
ལས་རླུང་གི་ཁྲོད་ནས། ཁ་པར་གྱི་འབྲེལ་ཐག་ཆད་རྗེས།
ཁྱོད་གཏན་དུ་བོར་སོང་། དུས་དེ་ནས་བཟུང་།
ངས་དྲན་གདུང་དང་མིག་ཆུ་རུམ་སྟེ་ཁྱོའི་འཛུམས་མདངས་ལ་རུམ་ནས་ཉལ།
ངའི་ཤ་གསེང་གི་ཁྲག་རུས་གསེང་གི་རྐང་། དེ་རིང་ཁྱེད་ཁོ་ནར་རྙེད་བྱུང་། ངའི་རྨི་ལམ་རྙེད་བྱུང་། ངའི་ལས་རླུང་རྙེད་བྱུང་། ལྷན་འཛོམས་ཀྱི་ཉིན་འདི་ནས་བཟུང་དུས་གཏན་དུ་ཁ་མི་བྲལལ❤️❤️
