སློབ་ཆེན་ལ་བཅིངས་བའི་ཡིད་སྨོན མཚར་སྣང མ་ཟད་དེ་དང་འབྲེལ་འདྲེས་བྱེད་འདོད་པའི་ངར་ཤུགས་ལས་རང་གིས་ནུས་པའི་ཚད་དང་རན་པའི་སློབ་གླིང་འདིར་སློབ་གཉེར་བྱེད་རྒྱུའི་གོ་སྐབས་འབྱུང དེ་ན་འདི་ལས་ཚད་བགག་ཐེབས་པའི་སྦྱོངས་བྱ་ཡི་མཐོ་རིམ་སློབ་གསོ་མཚན་བསྩལ་ཡོད་པའི་སློབ་ཆེན་ཅེས་པའི་སློབ་གཉེར་མཛད་གནས་འདིར སྤྲོ་སེམས་འཁོལ་བའི་སློབ་ཞུགས་ཀྱི་འཁོར་ཡུག་ལ་རང་ཉིད་ཀྱི་བརྩོན་ལེན་བྱེད་དགོས་པ་མ་གཏོགས གཞན་སུ་ཞིག་གིས་ཀྱང་བཀོད་པ་བཟོ་མི་སྲིད་དོ
ང་ཚོས་ལོ་ངོ་བཅུ་གཉིས་རིང་ལ་སློབ་གཉེར་མཛད་རྗེས་ཀྱི་དམིགས་འདུན་དེ ཁོ་ཚོའི་བགོད་སྒྲིག་བྱས་ཟིན་པའི་སྦྱངས་བྱ་འམ་ཡང་ན་མི་ཚེ་འདིའི་ལམ་སྣེ་ཁོ་ཚོའི་གཏན་ལ་ཕབ་པའི་སྐྱ་ལམ་འདི་དམིགས་ནས་བགྲོད་རྒྱུ་ཡིན་ནམ
འདི་ནི་སྙིང་ཁྲག་གསོན་པོ་ལུས་གཟུང་ན་སྒྱུ་བཞིན་པའི་ཁྱོད་ཚོས་འདང་རྒྱག་དགོས་ངེས་གྱི་གནས་ཤིག་མིན་ནམ
ཅིའི་ཕྱིར་དུ གང་གིས་ཆེད་དུ དམིགས་འབེན་གྱི་ཆེད་དུ ཁ་ཕོ་ཆེ་བའི་ངག་ལ་བསྡམས་པའི་ཕུགས་བསམ་གྱི་ཆེད་དུ་ཡིན་ནའང་ཆོག
གཞན་པའི་སེམས་འདུན་གང་ཞིག་ཡིན་ནའང་ཆོག
ང་ཚོའི་གཏན་དུ ངེས་པར་དུ་རང་གིས་འཇིག་རྟེན་ཆུང་ངུ་འདི་སྲུང་དགོས རྩིབ་རེག་གི་འདྲེ་ལག་དེས་གཏོར་བཤིག་བྱེད་པའི་གོ་སྐབས་གཏན་ནས་སྦྱིན་མི་ཉན
ཁ་ཡག་དང་རྒྱག་རྫུན་འདྲེས་པའི་གཏམ་བརྗོད་ཀྱི་སྨྲ་སྒོ་མ་གཏོགས་མེད་པའི་ཇག་པ་དག་ལ་གཟབ་དགོས
རིགས་ཞེན་གྱི་བསམ་བློ་རྩ་བ་ནས་གཅོད་དགོས་བའི་བསམ་པ་ལས་ཕན་བྱ་ཞིག་གང་ནས་ཡང་སྒྲུབ་གི་མེད
ང་ཚོ་ལ་ཡང་ཁག་མི་འདུག དུས་ཞིག་གི་འཕེལ་ཕྱོགས་ཞིག་གམ་ཡང་ན་སློབ་གསོའི་གཏན་བབ་ཀྱིས་ཚད་གཞིར་ལོན་དགོས་པའི་ཞབས་ཞུ་པ་ཤིག་ལ་འགྱུར་དགོས འཇིག་པ་བརྟེན་གཞི་འདིར་བློ་བགོད་ཐེབས་པ་དག་མིང་ཚིག་ཁ་ཤས་རེ་མཉམ་པོར་སྡེབས་ནས་ཆབ་སྲིད་དང་ཆོས་ལུགས་དག་གི་བསམ་པའི་སྒོ་མོ་ལ་ཚད་བགགག་ཐེབས་བྱེད་ཀྱི་ལག་ཆར་འགྱུར་འདུག
ཡིན་ཡང སྙན་ངག་མཁན་པོ་གྲགས་ཅན་གཉན་ལགས་གྱི་འཆད་པ་ལྟར རང་རེའི་མི་རིགས་འདི་ནི་མུན་ནག་གིས་ཁྲོད་ལ་གནས་ཡོད་ཀྱང མ་གྱང་བའི་རྗེས་ཀྱི་བོད་ཆེན་པོའི་འོད་དཔལ་འདི་གང་བྱུང་དུ་འཕྲོ་ལ་ཉེ ང་ཚོའི་ཡང་རང་སྐད་ལ་འདི་འདྲའི་གདེངས་འཇོག་བྱེད་ཐུབ་པ་སྟེ་རྟེན་འབྲེལ་གྱི་མཚོན་བྱེད་ཅིག་མ་ཡིན་ནམ
ང་ཚོའི་གཞན་ལུགས་ལ་ཕལ་རྒོལ་བྱེད་མ་མྱོང གཞན་རིགས་ལ་སྣ་གཉེར་བྱེད་མ་མྱོང
ཁྲིམས་འགལ་ཀྱི་དོན་དག་ཀྱང་ང་ཚོའི་སྒྲུབ་གི་མེད
སློབ་གྲོགས་ཚོ གར་སྟེགས་འདི་ལས་ངོམ་པའི་སྟངས་སྟབ་འདི་གང་འདོད་ཀྱི་འཁྲབ་མ་ཐུབ་ན་ཡང ལུགས་མཐུན་སྔང་སྒྲ་བསྟུན་གྱི་གར་སྟབས་འདི་ཁོ་ཚོའི་ཀྱང་ཆོག་མཆན་བགོད་འདུག
ང་ཚོ་ཁ་སང་གན་ནས་གསོན་ཆོག དེ་རིང་འདི་ནས་འཚོའི་ཡོད
སང་ཉིན་དབུགས་ལེན་ཐེངས་མཐའ་མ་དེ་ཡང་རང་ཡུལ་ལ་ཕུལ་དགོས
ཡོངས་ཕམ་གྱི་མཇུག་འབྲས་མ་ཐོན་པ་བར་དུ བར་སྐབས་འདིི་ནས་གཏན་ནས་སེམས་ཤུགས་ཆད་མི་ཉན རང་དབང་ཐོབ་དགོས་ཞེས་པའི་འབོད་བརྡ་འདི་ལ་ཚིག་ངོས་ནས་གོ་བ་ཙམ་མ་ཡིན་པར་མཇུག་ལྡོག་སྐབས་དགོས་ངེས་ཀྱི་འགན་བཞེས་ནུས་པ་ཅིས་ཀྱང་ཡོད་དགོས
ཡང་གཅིག་བཤད་ན་འོད་དཔལ་འདིའི་ཉག་ཁའི་བྱིན་རླབས་ཡང་ང་ཚོ་གཞོན་རབ་པ་རྣམས་ཀྱི་གནངས་དགོས་བ་མིན་ནམ
