རྩོམ་འབྲི་བ། ས་སྨྱོན-གཏམ་ལགས།
ངས་སྙན་ངག་ཞིམ་པོ་ཞིག་འབྲི་འདོད།
མི་རེ་རེའི་ངོ་རིས་རྣམས་འོད་ཐིང་ཐིང་དུ་གསལ་བར་འབྲི་འདོད།
བྱད་བཞིན་ཀུན་རྣམས་མེ་ཏོག་བཞིན་འབྲི་འདོད།
འོན་ཏང་། ངས་སྙན་ངག་འབྲི་མི་ཤེས།
ངས་སྙན་ངག་གསལ་པོ་ཞིག་འབྲི་འདོད།
ཕྱི་གསལ་ནང་གསལ་གྱི་མི་སེམས་བྲག་རི་འདྲ་ཞིག་འབྲི་འདོད།
སྙན་ངག་དང་འབྲེལ་བའི་ངག་སྒྲོས་ཀུན་པོ་རིག་རིག་ཏུ་འབྲི་འདོད།
ཡིན་ཡང་། ང་ལ་སྙན་ངག་གི་ས་བོན་སྐྱེས་མེད།
ངས་སྙན་ངག་མཛེས་པོ་ཞིག་འབྲི་འདོད།
རང་བྱུང་ཁམས་ཀྱི་རྩྭ་རི་ཀུན་གྱི་སྙིང་གསོན་པོ་འབྲི་འདོད།
བསྙན་འཕྲིན་ངོས་སུ་འཆར་འདྲའི་མཇེས་པ་ཀུན་པོ་སྙན་ལྷང་ལྷང་དུ་འབྲི་འདོད།
སྐྱོ་བར། ངས་སྙན་ངག་གི་ཤེས་བྱའི་ཐིགས་པ་ལེན་མ་མྱོང་།
