དམར་ཁ་ཚ།
ཁ་བགད་ལེར་འདས་མ་ད་གསུམ་གླེང་དུས།།
རྣ་ཅོར་སེ་ཉན་མཁན་ང་ལས་མེད་ཀྱང་།།
ཡིད་ཚིམས་པའི་རྣམ་འགྱུར་མཐོང་ཐེངས་རེ་རེར།།
ངའི་འདུན་པའི་འགྲོ་རོགས་གཏན་དུ་འཁེལ་སོང་།།
སྙིང་དམར་པོའི་ཟབ་སའི་གཏིང་གི་དྲོད་ཐིག།
གྲོགས་མང་པོའི་སྐར་ཚོགས་ཁྲོད་ཀྱི་སྐར་ཆེན།།
མ་བཟང་མོ་འཛུམ་མདངས་ཤིག་སེ་ཡོད་པའི།།
ངའི་ཡིད་སེམས་རབ་ཏུ་སྤྲོ་བས་བརྟས་ཡོད།།
དུས་དེ་རིང་ཁྱེད་ཀྱི་གླུ་སྐད་སྙན་ལ།།
དུས་དེ་རིང་ཁྱོད་ཉིད་ལྷག་པར་མཛེས་འདུག།
དུས་དེ་རིང་སྐྱིད་པའི་སེམས་ཁམས་དྭངས་མོ།།
དུས་དེ་རིང་མིན་ཡང་རྟག་ཏུ་འཛོམས་ཤོག།
