དབུས་ལམ་ནས།
འདབ་མ་གྱོང་གི་མ་བསམ།།
ལོ་མ་བཙོག་གི་མ་གསུང་།།
མཛེས་པའི་དབྱར་གྱི་དུས་ལ།།
ལང་ཚོའི་སྒེག་ཉམས་འཆར་འོང་།།
སུན་པའི་མདའ་སྒྲོ་མ་འཕེན།།
སྐྱོ་བའི་སྨྲེ་ངག་མ་འདོན།།
མི་ཚེ་དཀའ་སྡུག་ཁྲོད་ནས།།
སྐྱིད་སྡུག་མཉམ་ཁུར་བྱེད་དགོས།།
ཕྲག་དོག་ཆེ་གི་མ་བསམ།།
དུང་བ་ལྷོད་ཀི་མ་གསུང་།།
བརྩེ་བའི་འཕྲིན་ཐུང་ཕོ་ཉས།།
ཁྱོད་ལ་བདེན་དཔོན་བྱེད་ཆོག །
ཀླད་མེད་མགོ་སྟོང་མ་བསམ།།
ཤེས་མེད་འཁྱམ་པོ་མ་སྣང་།།
ལྷག་བསམ་གངས་རི་དཀར་པོས།།
ཁྱོད་ལ་དབྱེ་འབྱེད་བྱེད་ཆོག།
སྨྱོན་པའི་རང་གཤིས་མ་ཟུངས།།
དབུལ་བོའི་བྱ་སྤྱོད་མ་སེམས།།
བདེན་དོན་གསལ་བའི་བློ་མིག།
ལན་གཅིག་གཟིགས་ན་ཨེ་ཆོག །
![]()
དབུས་ལམ།
དབུས་ལམ།
