——瑞金路上额瑞金，人均日流量二到三万。
在经济一片碧绿生青时，瑞金一支红杏出墙来，据穿红马甲额阿姨讲，“日均人流量二到三万。”绝对是网红打卡地，风景这边独好。据讲，hospital中山、华山、仁济、市一、市六也差勿多。老头也有一点搞勿懂，介赚钞票额行档，迪个风投是瞎了、聋了、还是脑子坏脱了。一边是银行里额钞票用勿脱，天天问阿拉退休工人，要借钞票匆。伊拉也晓得，房子木有人要了，商铺木有人借了，年轻人除了滴滴，快递，就是躺平;万众创业，万众创新额地摊经济额号召人也木有了，心痛。
好人木子李走了，阿拉也心痛过，现在还心痛，是高血压，冠心病，勿过，瑞金日流二到三万，更要心痛。近来心勿痛了，胃痛。去瑞金看doctor当天下午，特需门诊、专家门诊、普通门诊无号，刚想跑路调额hospital，老婆讲到服务台去问一下。服务台护士讲，可以预约，勿过现在好看专病门诊。问，啥额叫专病门诊？回答，就是一般门诊。老头，老了，糊涂了。
在自助机器上挂号，乘电梯上五楼，电梯勿小但挤勿上，只好再等下一部。上了楼，预检处排队登记拿号，随后，候诊，候诊等上一，二个小时是常态。就诊后，拿药，再到服务台去预约胃镜检查。每个节点都要排队，迪额队伍长度，与凭票供应额年代差勿多。doctor也累，超负荷，一上半天要看三，四十额病人，三个半钟头坐下来头昏脑涨。
星期天上午，阿拉七点半就到胃肠镜检查中心，等待预检拿号额人已经要坐满了。据讲，有人六点多钟就来了，空腹辰光长吃勿消，阿拉勿做麻药好少排一个队，轮到阿拉进做胃镜额候诊室，前面几有靠十额人了。阿拉今天碰到额熟练doctor，五分钟一个，估计一上半天最起码要做三十几个，还要当场打检查报告，两个doctor够辛苦额。老年人看病难问题，已成老大难了，阿拉只是蜻蜓点水，就事论事。
