上传中，请稍候…
ལས་ཀྱི་ལྷག་མ་ལུས་འདི་ཞིག་ཀྱང་རུང་།།
རྣམ་རྟོག་བྲན་བཀོལ་སེམས་འདི་སྨྱོས་ཀྱང་ཆོག།
ས་ལམ་རྫོགས་པའི་རྣམ་མཁྱེན་མ་ཐོབ་པར།།
སྦྱང་བའི་ལས་འདི་མི་དོར་དམ་བཅའ་འཇོག།
རང་སེམས་འདུལ་བའི་ལྕགས་ཀྱུ་ཆོས་ཀྱི་གཞུང་།།
རང་གཅེས་འཛིན་པའི་གནམ་ལྕགས་དབུ་མའི་ལམ།།
རང་ཉིད་ཐར་ལམ་འདོད་ཚེ་ངེས་པར་དགོས་ཆེ་བས།།
རང་གཅེས་དོར་ཏེ་བརྩོན་པས་རྒྱུད་ལ་སྦྱོར།།
ས་ལམ་རྣམ་གཞག་ཞིབ་ཀྱང་ཕྲ་ཆེ་བ།།
ས་སོབ་མེད་པར་རྒྱུད་ལ་ངེས་དགོས་པས།།
ས་གསུམ་སྒྲོན་མེ་བླ་མ་ས་སྐྱ་པས།།
ས་མཐའ་འགྲིམ་པའི་བུ་ང་སྐྱོང་མཛོད་ཅིག །
___________________ངག་བློ་རྒྱལ།
