——————————ཨ་ག་མ
དེ་ནི་རླབས་ཆེན་གྱི་བརྩེ་བ་ཞིག
འགྱུར་མེད་ཀྱི་དམ་བཅའ་ཞིག
རྦ་རླབས་བཞིན་འཕྱུར་ཡོང་བ་མིན་ལ་
སྣུམ་སྒྲོན་བཞིན་ཞི་འགྲོ་བའང་མ་རེད།
དོན་ངོ་མར—དེ་ནི་
སེམས་ཀྱི་གསབ་ས་ན་
འོད་ཀྱི་གོང་བུ་བཞིན་འཚེར་ཞིང་།
སྙིང་གི་འཕར་ལྡིང་ན།
དབུགས་ཀྱི་འབྱིན་རྔུབ་བཞིན་རྒྱུ་བའི་
འཇིག་རྟེན་འདིའི་བརྩེ་བ་ངོ་མ།
བུ་ཆུང་གི་སེམས་ཀྱིས་ཁེན་ས
རྟག་བརྟན་གྱི་བྱམས་བརྩེའི་བདག་མོ
དུས་དང་—རྣམ་པ་ཀུན་ཏུ
ཁྱེད་ཉིད་ངའི་སེམས་ཁོང་ནས་བཞད་ཅིང་།
ལྷ་དང་སྲུང་མ་ཇི་བཞིན་
ཁྱེད་ནི་ངའི་མི་ཚེ་འདིའི་མཁའ་འགྲོ
ང་ཡི་མ——
2017ー5ー14
图片发自简书App
