上个周末广州落足成日雨，唔可以系条街到玩，我就系大众点评睇下有咩电影好睇，见到一部新片，英皇出品嘅港产爱情故事片《原谅他77次》，于是网上订好票，睇下昼三点半个场。

港产片有几好睇你明噶啦，依部戏内容大概系讲，一对拍拖超过十年正系度同居嘅拖友，因为d芝麻绿豆嘅小事掟咗煲，其实大家都仲钟意对方，几经周折之后，最后佢地都系翻埋一齐。

睇之前我唔抱希望会有咩收获，点知睇完套戏出嚟，我觉得成个人好似打咗鸡血咁，唔系话啊sa同周柏豪滴演技有几好，而是好耐未试过可以一铺过係两个钟内听到咁多白话。

点解甘讲呢？因为广州常住人口有1400几万，外来人口接近690万，呢个係最新嘅统计数据，咁样嘅人口构成，我地一日落黎都唔知要讲几多普通话，白话吾该留番屋企同啊妈讲啦！

粤港澳语言系相通的，所以系戏里面好多对白，尤其係果啲俚语，听落去真系好鬼亲切，电影剧情就认真麻麻，但系啊sa鬼火甘靓补番数，加上语言相通，所以依套戏虽然豆瓣先得7.1分，我比8.5分巨。

图片发自简书App