仲记得当年后生时果句口头禅“人生在世咩都要试下”，真係年纪越细越大胆啊。宜家嘅我好希望自己仲可以保持好奇，勇敢咁尝试新嘅嘢。懒係一个好大嘅藉口，懶得郁所有嘢都变得冇意义，所以要戒懒。
最近新尝试去整嘢，厨房搞搞震。例如谂住搞下曲奇饼嘅，结果整下整下变左紫薯燕麦烟韧饼，新尝试小失败但係可以入口就得啦。再来，新尝试用陈皮蒸乌头鱼，一般来讲，大家都係用青柠或者鲜柠檬，反正我屋企第一次用陈皮蒸嘢，平时陈皮煲汤就多，新口味蒸法结果唔错，大家食完都话好味。
希望以后都继续试新嘢，各个方面试新嘢，唔好再咁hea啦，加油。
