今日系司沛添加辅食既第三日，早晚各一次，地球最好高铁米粉1:4。哩个礼拜因为种种原因，嘉懿今晚先翻来我地哩边训。接距放学翻来就已经提前同距讲咗两次，司泓司沛开始添加辅食，宜家需要先同距共用一张餐椅，不过距地目前使用时间唔长，食完辅食就会落来，嘉懿当时系默认OK既。
但真系见到司沛坐咗落凳，距即刻咸得超大声话唔俾司沛坐，要距落来。我有念过距会扭计，但冇念到距真系遇到了反应会咁大。我当时第一反应系，如果哩次冇处理好，日后会更加难处理，因为类似既问题会重复发生。
我开始同嘉懿如下对话：
嘉懿话唔俾司沛坐，要距即刻落来，我话司沛肚饿了，我问嘉懿，你肚饿既时候要唔要食饭？我话宜家司泓司沛开始添加辅食，就系开始建立食饭规则既时候，坐餐椅就系为咗距地日后可以好好食饭。我话你食饭既时候系咪坐餐椅既，距话系。
嘉懿话唔俾司沛食，我话OK啊，咁就大家一齐唔好食，我陪你。嘉懿话唔好。
嘉懿话要司沛翻房食，我话房间唔可以食饭，我问距，你食饭系咪系房食既？我话如果系，咁我等阵就嗌群姨帮你装定，你就系房间自己坐住餐椅食。距话唔好，距要同大家一齐食。我话咪系咯，本身食饭就应该系一家人开开心心坐埋一齐，你宜家话要司沛自己系房食？
气氛逐渐缓解，我感觉开始有转机了，我问距要唔要同我一齐帮司沛冲米粉。距话要，我话咁你洗手准备帮手喇。距问可唔可以距来喂，我一开始系唔同意既，但距话距可以做得到。我话如果你要喂，第一，你要有耐性，因为司沛宜家岩岩开始添加辅食仲唔系好识食；第二，距宜家未坐得稳，你要学识方法引导距食。距话好，咁妈妈你教我啊。我手把手教咗距一次，距满心欢喜，就咁，哥哥开始咗喂细佬之路了。我话如果距需要帮忙，就嗌我，距话好。
但结果系，嘉懿既表现简直令我出乎意料之外，距好有耐性咁应对司沛既反应，注意细节，会不断调整，距好认真对待细佬食饭既哩件事情，我倍感欣慰。
记于2018年12月6日傍晚
