图片发自简书App
སྐྱོ་ཀི།
དྲིན་ཆེ་པའི་སྙིང་གི་ཡབ་ཆེན།།
སེམས་དམར་པོའི་གཏིང་གི་མེ་ཏོག།
གཏམ་སྙན་མོ་འདི་ལྟར་སྨྲས་ན།།
ང་གཞོན་ནས་བསམ་བློ་འཁོར་དུས།།
ཁྱེད་མེད་ན་སེམས་ནས་སྐྱོ་ཀི།
སྒང་ཉི་མ་འདྲ་བའི་ཡབ་ཆེན།།
ནང་ཕུ་ནུ་གཡང་གི་མེ་ཏོག།
གོ་དཀའ་བའི་གཏམ་རེ་སྨྲ་དུས།།
མིག་ཆུ་མའི་སྐྱོ་གླུ་བླངས་ནས།།
ཁྱེད་དྲན་ན་ལྷག་དུ་སྐྱོ་ཀི།
གཟིམས་སོང་པའི་མར་མེ་རྐང་གཅིག།
དུས་མུན་ནག་ནང་དུ་མེད་ན།།
འོད་ཆེ་ཡང་སུ་ལ་མིན་ཕན།།
ལུས་མི་རྟག་སྒྲིབ་པའི་ཡབ་ཆེན།།
མིག་མཆི་མས་གང་ན་སྐྱོ་ཀི།།
ཡབ་ཆེན་དུས་ཆེན་སྐབས་བྲིས་པའི་༼སྐྱོ་ཀི༽ཞེས་པའི་སྙན་ཚིག་འདི་ནི་ཕ་དམ་པས་གསུང་པའི་གཏམ་དེ་དྲན་ནས་བདུད་རྩིའམ་སྐྱུ་རའི་གྲགས་པ་སེང་གེས་སྐྱོ་གླུ་ཞིག་ཏུ་བྲིས་པ་ཡིན།
