法国个思想家让·雅克·卢梭勒《爱弥儿》一书当中，有写过一段关于“生活”方面个闲话，伊是迭能唻讲到个，曰：“生活得最有意义的人，并不是活得最大的人，而是对生活最有感受的人。”
吾查阅到各式各样个资料以后，获知到像“生活”迭个词眼，伊个真正含义是属于多个方面个。“生活”指个就是：生存、恤养活人、为生存发展而进行各种活动、衣食住行等方面个情况、美好个时光；“生活个意义”就是在于明白自家到底想要个会是啥个，勒其中既要有所爱，还要归入到平淡本真当中去；“生活个真正意义”则是在于活出只属于自家个意义，奉献爱侪会收获更多个爱，找到自家个人生价值，让生活变得饱满富有色彩；总而言之，生活个真正含义因人而异，个人侪应找到自家个生活意义，让生活变得充实有意义……
吾是一个土生土长个上海人，像上海迭座城市，伊既是属于一座海派搭五方杂处个城市，与此同时，像迭座城市个文化，又是属于兼容并蓄类型个，所以讲，对于迭座城市个文化形态搭方言特色唻讲伐，伊勿单单拥有本土个方言文化，伊还大量个去吸收全国各地个方言文化搭外国语言文化，可以讲就是属于邪气好白相个一桩事体哦！
今早仔，让吾唻讲“生活”迭个词眼，伊个读音搭国语个读音绝对是覅大一样个，就勒沪语方言闲话当中，像“生活”迭个词眼就拨读作“桑滑”迭个词眼，覅管是居住勒市区里向个上海人，还是居住勒郊区里向个人，侪是要拨“生活”读作“桑滑”迭个词眼个。
要是拨“时光”迭部列车倒转到1843年11月17日，掰搿辰光是上海拨开埠个日脚，伊是依照《南京条约》搭《五口通商章程》而开埠个。就勒掰搿辰光，只因吾伲国家还身处勒农业阶段搭手工艺阶段，对于掰搿辰光个上海人唻讲，“生活”一词指个就是“手艺”。
对于身处勒各种“行当”里向个职员唻讲，比方讲：有迭能个一群手艺人，厨师老爷小菜烧得好、剃头师傅剃头剃得好、卖肉营业员斫肉斫得好，要多少就是多少，可以讲是一刀准，迭个辰光个上海人会讲一句赞许对方个闲话，曰：“生活灵光”或“生活清爽”。
像上头个“行当”迭个词眼，伊个意思就是讲职业或行业。
每当像“生活”迭个词眼，要是当作“手艺”唻解释说明个辰光，就会拨上海人叫做“生活经”。还比方讲，就有人用沪语方言唻讲道，曰：“隔壁弄堂里向崇明小皮匠个‘生活经’哪能会得变得越唻越推扳、越唻越弗大灵光嘞，大概就是由于搭伊本人近抢把身体覅是顶顶好个，还生过一场大毛病，多少侪是有得一眼眼关系个！”……
上段文字个意思是讲，有一位上海崇明地区个小皮匠，就因为最近生过一场严重大病个缘故，从而自家个手艺变得越来越推扳。
当“时光”个迭部列车走到今早仔、走到21世纪以后，像沪语方言“‘生活经’越唻越推扳”“越唻越弗大灵光”，讲个人就可以讲是变得越唻越少哦，反而是用“生活粗糙”迭个词眼拨替代之！
对于像“生活”唻讲伐，侪是需要依靠“生出唻”搭“做出唻”个，而且每天侪是迭能样子个，大家侪是需晓得“生活”搭“做生活”迭两组词语，并覅是属于“手工艺人”专用个一个名词，但凡是勒各种行当里向做各种生活个人，侪是可以去使用迭个两组词眼个。
到今早仔，“生活”搭“做生活”就是等同于“去上班”。
上海房子个特点搭特色是啥么事？！就是里弄搭弄堂哦，勒每条弄堂个里向，覅管是那些老爹搭阿奶辈分个人，还是外公搭外婆辈分个人，只要是有第三代小孩勒覅停个吵闹时，祖辈或外祖辈自然是要安抚、规劝搭哄骗第三代小囡个，迭也是属于顶顶正常个一桩事体。就勒每趟仔安抚、规劝搭哄骗第三代小囡个辰光，侪是会开口唻讲迭能个一句沪语方言闲话哩，讲道：“囡囡么要乖，囡囡覅哭嘞，囡囡覅吵嘞，倷个爷娘么现在侪是勒拉做生活，只有上班班去，侪有得铜钿好赚，赚到铜钿以后，会得拨囡囡买各种‘白相倌’！”……
吾勒上头撰写个一段沪语方言闲话，伊个意思到底是勒讲一眼啥么事？！顶主要个意思就是勒讲：祖辈或外祖辈勒安抚、规劝、哄骗第三代小囡覅要再去哭泣搭吵闹一眼啥么事，侬个爷娘今早侪勒上着班呢，侬个爷娘只有上班以后，侪可以赚到铜钿个，也只有等到侬个爷娘赚到铜钿以后，侪会拨侬购买各式各样个、好白相个玩具。
让吾再唻列举一个例子，以便就能更好个说明迭种情况哦。
再比方讲：如果讲，有两位邪气要好个老朋友，拥有二三十年个友情，有交关长个一段辰光呒没见面碰头，勒辣陌生头见面碰着以后，相互之间或多或少眼扳数要谈“谈山海经”嘎“嘎讪胡”个。【备注：像“谈山海经”搭“嘎讪胡”侪是沪语方言闲话，翻译成国语个意思就是指“聊天”。】就勒谈山海经嘎讪胡个辰光，相互之间就会用沪语方言唻讲道：“侬近抢把到底勒拉啥个地方‘做生活’啦？！”……迭段沪语方言闲话个意思就是讲：近期，侬勒啥个地方做生活？！到迭个辰光，迭段文字当中个“生活”搭“做生活”，并覅是指“手艺”，而是指“勒啥个单位做何种类型个工作（种）”。其中一个人就会得开口唻讲道：“侬晓得吾是财经大学会计专业毕业个，吾么一直勒拉做‘老生活’、会计生活，但拨过辰光走到今早仔，对于会计生活么，要求变得越唻越高，迭个‘老生活’侪是邪气难触祭个！”……
像吾勒上段文字当中所撰写个“老生活”迭个词眼，伊还包含有“老举三”搭“定头货”个意思勒里向。勒上海个沪语方言闲话当中，“老举三”迭个词眼个意思就是指邪气有经验、交关能干个意思，“定头货”迭个词眼，通常就是指脾气倔强、挡路覅肯去通融个人。上段文字个意思是讲：因为今早仔个要求越唻越高，会计工作难做。
当“辰光”个迭部列车走到今早仔个辰光，像“做生活”迭个沪语方言词眼，伊个使用频率还是邪气多个，也是交关频繁个，还呒没消失忒哦。有些人就勒中午休息个辰光，还有一部分人喫好中饭以后就是欢喜“打瞌冲”，另外有些人欢喜谈谈山海经嘎嘎讪胡，还要‘无轨电车’去烂开哦。只要是辰光一到，某些邪气有心个人就会提醒讲道：“覅要再打瞌冲、谈山海经嘎讪胡嘞，做生活辰光到嘞！”
上段文字当中个“打瞌冲”是沪语方言，意思是讲：或睡觉或打盹。“无轨电车”是沪语方言，意思是讲：讲闲话覅着边际。整段沪语方言个意思是讲，有同事是好心人，每趟快要到下半日上班个辰光点时，就会唻讲道：下半日上班个辰光已经来到，凡是欢喜聊天个同事，就此可以打住，但凡是欢喜睏中覺个人，就覅能再睏中覺！
上海人还交关欢喜讲讲“真生活”迭句沪语方言闲话，继续比方讲下去，又比方讲：“吾个屋里向就是居住勒拉顶层六层楼高头个，到勒今早仔，覅但还勒拉使用液化气瓶，还呒没使用天然气，更是呒没电梯个，要是一口气拨液化气瓶扛到六层楼，是真生活啊！”
上头一段文字伊个意思是勒讲：吾今早还是居住勒六层楼高个老式房子里向，是呒没电梯搭天然气个，每趟拨液化气罐扛到屋里，并覅是属于邪气容易个一桩事体，而是属于交关吃力个一桩事体！
当文章写到迭板板，可以讲也已经是接近末尾，吾最后还要唻讲讲“喫生活”迭个词眼。就勒沪语方言闲话当中，“喫生活”迭个词眼就是“挨打”个意思，最后让吾唻列举两个迭个方面个例子。
比方讲第一：就有两位大人勒弄堂里向“吵相骂”，【备注：“吵相骂”是沪语方言，意思就是指骂人。】还要准备“打相打”，【备注：“打相打”是沪语方言，意思是打架。】一边勒吵相骂搭打相打个辰光，其中一个人讲道：“侬迭只小赤佬，自家身浪向个毛还呒没长齐，居然敢标点符号满天飞舞，嘴巴里向还要勿二勿三老三老四老嘎嘎个闲话，当心吾要拨侬吃生活！”……迭段沪语方言个意思是讲：侬迭个乳臭未干个毛头小伙子，要是侬覅大懂事体，吾要教训侬一记。
比方讲第尼：每户人家个屋里向总归会有一两个皮大王个小囡，覅管是老爹搭阿奶，还是外公搭外婆，勒规劝小囡覅要再调皮捣蛋个辰光，就会要求小囡要乖、要听长辈们个闲话，还会对小囡讲迭能个一段沪语方言闲话，讲道：“好嘞，好嘞，小鬼头侬覅要再调皮捣蛋嘞，再要迭能样子下去个闲话，屋里向侪是要畀侬拆坏忒、拆光忒嘞，侬要是再也覅肯好好较听闲话，当心等到侬爷娘下班回唻以后么，就要杀杀搏搏请侬‘喫一顿生活’，轻者么要打侬‘头塌’、‘喫毛栗子’搭‘竹笋烤肉’，重者么叫侬浑身上下侪是乌青块！”……
就勒上段文字当中，“头塌”就是指：用手去打头；“喫毛栗子”就是指：先把“食指”搭“中指”卷起唻，然后再用两个尖尖头去打头；“竹笋烤肉”个意思就是勒讲，拿一把木制个尺去打手心。
【备注：①：文章为作者原创；②：前头三张图片和最后三张侪是由作者自家编辑个；③：各种沪语方言文字图片侪是唻源于网络上头；④：万分感谢原创图片。】
杜老倌侠客居（陆伟）写于2021年12月19日礼拜天夜里向
