སྣང་བ་ཐན་ཐུན།
འཚོ་བའ་དགའ་དུང་གི་ཁ་དོག་དང་མི་བུའི་ཞེ་ཚོར་གྱི་ངོ་བོར་རེག་རེག་རེ་བྱས་ན། ཚོས་སྣ་མང་དུ་བསྒྱུར་བའི་མེ་ཏོག་ལ་དགའ་བ་དང་། གང་གི་གསར་དུ་བཤད་པའི་གཏམ་ཡན་ལ་མོས་བ་ནི་ཟུར་ངོས་གསུམ་པ་ནས་བལྟས་ན། དེ་ཡང་གུ་ཡངས་ཐུབ་དགོས་བ་ཞིག་སྟེ་འབྱུང་ངེས་པ་གང་གི་འཇུག་འབྲས་ཡིན། དཔེར་ན། ཁྱོད་ཀྱི་ཆུང་མ་དང་ཁྱོད་གཉིས་བར་གྱི་འཛའ་མཐུན་གྱི་ལྷན་འཛོམས་དེ་ཡང་འཕེལ་རྒྱས་གང་གི་འགྲོས་མཉམ་པའི་མངོན་སྟངས་ཡིན། ཁྱོད་ཀྱི་གྲུབ་འབྲས་ཐོལ་བརྒལ་བྱུང་ཡང་ཆུང་མའི་འོས་མཐུན་གྱི་རམ་འདེགས་མི་ཐུབ་ཚེ། ཁྱོད་ཀྱིས་རང་བབས་དང་མཐུན་པའི་མོ་སྨན་གཞན་ཞིག་འདེམས་སྲིད། ཡང་ན་ཁྱོད་ཀྱི་ཉེ་འགྲམ་གྱི་སྐྱེས་པ་དག་གི་ཕུན་ཚོགས་ཀྱི་རི་མོར་བཀྲག་མདངས་བཀྲ་ཡང་། ཁྱོད་ལ་མངོན་གསལ་གྱི་ཡར་སྐྱེད་མེད་ཚེ་ཆུང་མའི་གནས་བའི་སྤྱི་ཚོགས་ཁྲོད་ཀྱི། རང་ལ་ཐོབ་འོས་བའི་སྐས་རིམ་གོང་མའི་བདེ་སྐྱིད་ལ་རེ་སྙེགས་བྱེད་པ་ཡིན། དེ་ནི་ཆུང་མའི་ཕྱི་ཐག་ཕྲ་བར་ལས་བརྡ་བྱེད་རྒྱུ་མེད་ལ། ཁྱོད་ཀྱི་ཡིད་སྟོན་ཉེས་པར་ཁག་འགེལ་བཅོལ་ས་མེད། མིའི་སྤྱི་ཚོགས་ནི་འཚོལ་སྙེགས་ཀྱི་ངོ་བོ་ཅན་ཞིག་ཡིན་པ་དང་། མིའི་འཚོ་བ་ཡང་འཚོལ་སྙེགས་ཀྱི་གོ་རིམ་ཞིག་ཡིན། འགྲན་རྩོལ་གྱི་བསྐུལ་བ་ཞིག་ཀྱང་ཡིན། དེ་དག་གི་སྣང་ངོར་འདི་ནི་འཕེལ་རྒྱས་ཀྱི་སྐས་རིམ་བརྒལ་སྟངས་ཞིག་དང་། ཐོབ་པ་གང་གི་ཐོག་མའི་བློས་གཏང་དེ་ཡིན། ལར་བཤད་པ་ལ་མོས་བ་རེ་འགས། དྭངས་གཙང་གི་བརྩེ་བ་དང་། ལྷད་མེད་ཀྱི་དགའ་བ་བོར་སོང་ཟེར་ན། དེ་དག་ནི་རྟོགས་པ་གོང་མའི་མི་དག་གི་སྤྱོད་བྱ་ཡིན་པ་ལས།. འཛུབ་མོ་ལྔའི་རིང་ཐུང་སེམས་ཁྲལ་དུ་གྱུར་ནས་རེ་དོགས་ཀྱི་ཟོམ་ཉི་རུམ་པའི་མི་བུ་དག་ལ་འབྲེལ་བ་གང་ཡང་མེད།
