纽约法拉盛 郑耀华摄影
[沪语，歌词，第一稿]
交关人没看到过，
早上向七点一刻，
太阳还没热，
人影子老长，
没人踏着侬。
7号线乘出去，
再去调D、N、F。
有种侬就覅下车，
乘到头就是海，
嗰牌天气末佝一佝，
吹大西洋个风。
一爿店一爿店想夜饭，
一路馋到车子进站，
法拉盛已经万家灯火，
呒没日里介乱哄哄。
法拉盛个臭
我当伊乡愁
曼哈顿介旧
老容易轧姘头
对面走过来是凤姐。
“罗小姐你好...咳...”
看样子伊蛮好，
腾腾腾罗斯福转到Main Street。
一样来了做啥勿到西岸去？
譬如洛杉矶，
一年四季春天，
适意到侬厌气，
勿像纽约再过两个号头
就要邋里邋遢个落雪天。
各人有各欢喜，无所谓，
反正纽约到处有暖气，
房东勿开，投诉伊去，
勿像上海瀴湿湿介触气。
法拉盛个臭
我当伊乡愁
问问自家走还是留
问自家啥辰光会瘦
一作堆穿马路，
全世界各种面孔。
人人认得侬，
侬嫌鄙人忒多，
没人认得侬，
葛侬覅难过。
郑耀华、李昌钰、方庄、沈玮、
Pixy、Melody、王依群、
童小苓、Stella、李安，
啊呀哪恁介瘦周立波。
长周末过脱著回纽约，
在了山上向个高速公路瞎兜，
望出去，天上贴贴当中
一只月亮真个赫大。
法拉盛个臭
我当伊乡愁
四十街一滩一滩黑黝黝
应该勿是地沟油
法拉盛个臭
我当伊乡愁
上海现在擦刮勒新
也开始香水臭
法拉盛个臭
我当伊乡愁
哪恁？到底走还是留？
勿想听别人理由
[完]
