བློ་མཐུན་རྣམས་པ་དང། དགེ་འདུན་ལྷན་རྒྱས། ཡུལ་མི་ལྷན་རྒྱས།
འདི་ལོའི་ཟླ་9པ་ནི་རང་སྐྱོང་ལྗོངས་ཀྱིས“མི་རིགས་མཐུན་སྒྲིལ་ཟླ་བ”བཙུགས་ནས་ལོ་ངོ་30འཁོར་བའི་ལོ་ཞིག་ཡིན་ལ《བོད་རང་སྐྱོང་ལྗོངས་མི་རིགས་མཐུན་སྒྲིལ་ཡར་ཐོན་དཔེ་བཟང་ཁུལ་འཛུགས་གཏོད་བྱེད་རྒྱུའི་སྲོལ་ཡིག》ཁྱབ་བསྒྲགས་བྱས་རྗེས་ཀྱི་མི་རིགས་མཐུན་སྒྲིལ་ཡར་ཐོན་དྲིལ་བསྒྲགས་བྱེད་སྒོའི་ཟླ་བ་ཐོག་མ་དེ་ཡང་རེད། དོན་སྙིང་ལྡན་པའི་དུས་སྐབས་འདི་འདྲ་ཞིག་ལ། ང་ཚོས་འདི་གར་ས་དགའ་རྫོང་གི་མི་རིགས་མཐུན་སྒྲིལ་ཡར་ཐོན་གྱི་དྲིལ་བསྒྲགས་བྱེད་སྒོའི་ཟླ་བའི་འགོ་འཛུགས་མཛད་སྒོ་སྐོང་ཚོགས་བྱ་རྒྱུ་རེད།
མི་རིགས་མཐུན་སྒྲིལ་ཡར་ཐོན་གསར་གཏོད་བྱ་རྒྱུ་དེ་ཏང་ཀྲུང་དབྱང་གིས་དུས་རབས་གསར་པའི་མི་རིགས་ལས་དོན་ལེགས་བཅོས་བྱེད་པའི་འཐབ་ཇུས་བཀོད་སྒྲིག་གལ་ཆེན་ཞིག་ཡིན། ཏང་གི་ཚོགས་ཆེན་བཅོ་བརྒྱད་པ་འཚོགས་ཚུན། བློ་མཐུན་ཞིས་ཅིན་ཕིང་གིས་སྲོག་ཤིང་གནང་བའི་ཏང་ཀྲུང་དབྱང་གིས་མི་རིགས་ལས་དོན་ལ་ཚད་མཐོའི་མཐོང་ཆེན་གནང་ནས་ཁྱོན་ཡོངས་ནས་གཏིང་ཟབ་ངང་མི་རིགས་མཐུན་སྒྲིལ་ཡར་ཐོན་གསར་གཏོད་ལས་དོོོན་སྤེལ་ཏེ་ཀྲུང་ཧྭ་མི་རིགས་ཀྱི་གཅིག་མཐུན་ཚོགས་པའི་འདུ་ཤེས་བརྟན་པོ་འཛུུགས་དགོས་ཞེས་གསལ་བཏོན་གནང་ཡོད། རང་རྫོང་ཨུད་དང་རྗོང་མི་དམངས་སྲིད་གཞུང་གིས་སྔར་ནས་བཟུང་མི་རིགས་མཐུན་སྒྲིལ་གྱི་ལས་དོན་ལ་མཐོང་ཆེན་གནང་གི་ཡོད། ལྷག་པར་དུ་2016ལོ་ནས་བཟུང་། རྫོང་ཨུད་དང་རྗོང་མི་དམངས་སྲིད་གཞུང་གིས་མི་རིགས་མཐུན་སྒྲིལ་ཡར་ཐོན་གྱི་དཔེ་སྟོན་རྫོང་འཛུགས་སྐྱོང་བྱ་རྒྱུ་དེ། རྫོང་ཡོངས་ཀྱི་བརྟན་ལྷིང་འཕེལ་རྒྱས་ཀྱི་འཐབ་ཇུས་ལས་འགན་དང་། མི་རིགས་ལས་དོན་གྱི་རྩ་བའི་ལས་འགན་ཞིག་དུ་བརྩིས་ནས། འཕེལ་རྒྱས་དང་བརྟན་ལྷིང། སྐྱེ་ཁམས་བཅས་དོན་ཆེན་གསུམ་དང་ཟུང་འབྲེལ། ལྷག་པར་དུ་དབུལ་སྒྲོལ་འགག་སྒྲོལ་ལས་དོན་དང་ཕན་ཚུན་མཉམ་འདྲེས་བྱས་ཏེ། ས་དགའ་རང་ཉིད་ཀྱི་ཁྱད་ཆོས་ལྡན་པའི་མི་རིགས་མཐུན་སྒྲིལ་ཡར་ཐོན་གསར་གཏོད་ལས་དོན་ལ་ཁྱོན་ཡོངས་ནས་སྐུལ་འདེད་གནང་ཡོད། དེས་ རང་རྫོང་གི་མི་རིགས་མཐུན་སྒྲིལ་ཡར་ཐོན་གྱི་བྱ་གཞག་བཟང་པོ་མངོན་འགྱུར་བྱུང་ཡོད།
