氹老婆的笑話情書 (港式口語風格冩作) - 第六章
2202Feb20
喺十萬個為什麼呢本書裏面你唔會搵到人類活著是為什麼嘅答案, 但假如你問一個中咗單戀情毒-戆男狂唧確診者, 𠳔會用不屑口吻答你, “ 你冇嘢呀! 問啲咁嘅問題, 仲使諗嘅, 梗係為咗敬拜xxx女神”, 𠳔仲會以一個藐視嘅口吻反問返你, “你係咪住喺地球㗎? 問啲阿媽喺女人嘅問題!” 由於各人嘅文化差異, 𠳔極可能慷慨到一個地步, 指導埋你中國文化中嘅精髓 -「 粗口」。 喺全城嚴肅疫情防控期間, 果后工作嘅生果舖頭業績並無下降, 其中一個主要原因就喺有呢班由五湖四海觀音兵組成嘅「鋼鐵粉絲兵團」同一 眾捧場嘅「師奶兵團」, 如果代入戰略遊戲嚟講呢兩支兵團喺長期士氣和戰鬥力維持在100%嘅「屈機」隊伍。「鐵粉」買生果買到做埋速遞物流已經唔係新鮮事, 天寒地凍露出誘惑嘅麒麟臂同毛鬙鬙腋毛幫手上貨、落貨,、送貨、兼拉閘收鋪, 就係為咗搏取果后嘅一句Good Boy。可惜, 果后係一個為人專一, 做事盡責及勤奮嘅人, 實際上感到非常尷尬, 經常真心勸導不同嘅觀音兵, “唔使拉、 呢啲等我做啦、多謝幫襯就得哪、非常唔好意思要你幫手等等。”但老闆史提芬見到就好感動咁話, “ 人間溫暖呀! 真係人人為我我為人人! 如果各區舖頭都有呢啲觀音兵, 可以節省唔少成本。” 經常巡視各區店舖嘅老闆史提芬, 同事暗地裹叫𠳔「屎忽痕」, 有一次畀𠳔聽到有位女同事咁講, 公司第二日即刻出咗張memo畀所有員工, 嚇到講嗰位女同事走入廁所喊爆, 內容喺, “全體同事, 在有客人的時候請嚴肅尊重公司及我個人的體面, 請稱呼我為史提芬老闆。” 𠳔 署名嗰欄除咗印上英文全名同職銜外, 竟然簽名「屎忽痕」。自此同事之間都覺得呢位老闆做事親力親為又玩得, 全線果鋪嘅同事都好鍾意呢位「屎忽痕」老闆, 喺疫情之下大家仍然賣力開心工作。
