【冷手执个热煎堆】[laang5 sau2 dzap7 go3 jit9 dzin1 doey1] 执：捡。煎堆：一种球状的油炸食品，即麻团，广东地区常见的贺年食品。冷的手捡到一个热的麻团，比喻意外得到此前没有预料到的收获。例句：今日行街执到张双色球彩票，试下话攞去兑奖噉啦，居然畀我中咗几百个，真系～。（今天走在街上捡到一张双色球的彩票，抱着试一下的心态拿去兑奖，居然给我中了几百万，真是捡到个大馅饼了。）
又一年啦，好多谢一直以嚟关注天天粤语同埋支持粤语嘅朋友！只要重有人睇，我就会一直坚持做落去。唔为乜嘢，只系希望可以为传承同发扬粤语出一分力。粤语嘅文化要靠传播先至有活力，就算分享畀一两个人知道，呢项工作都系有意义嘅。亦都希望有更多嘅人可以加入传播粤语文化嘅大军，一个人哪怕分享畀一两个人知，个个都分享嘅话都会有好可观嘅人可以了解到粤语文化。希望钟意天天粤语嘅朋友新嘅一年可以事事顺利啦，话唔定边一日行喺街度真系可以咁好彩执到张中奖彩票。
