[1992年版锡伯语小学语文课本第二册第16课]
onokcun
1.ajige dahan fatha be ilinjaburakū, inenggi dobori akū beye ergerakū, okson tome erin be dahafi sujumbi, jilgan tome niyalma be šorgime temšebumbi.
2.šatan seci amtan akū, dabsun seci hatuhūn akū, juwari saburakū, tuweri abkai jalu deyembi.
3.biluci bahaburakū, tuwaci saburakū, fiyan boco akū, wa su akū, aššasu mutursu de akū oci ojorakū, niyalma emu erin sehe seme delheme muterakū.
4.tutala labdu ajige menggun dengjan, abkai untuhun dele lakiyabuhabi, cib ekisaka bifi gisun gisurerakū, damu yasa be habtašame bahanambi.
suhen
1.sujumbi: niyalma car seme hūsun yabure be sujumbi sembi. geli feksimbi sere gūnin de adali.
2.habtašambi: yasa emdubei niyalmai baru yasa arara be habtašambi sembi.
urebusu
1.bithe be hūlafi onokcun be taka.
2.sini beyei takara onokcun be tacin gucuse de gisureme takabu.
3.fejile bihe hergen be baitalame gisun banjibuki. (okson, sujumbi, šorgimbi, cib ebisaka, habtašambi.)
