དཔལ་ལྡན་སྤང་ཤར་བསམ་འགྲུབ་ནོར་བུ་གླིང་།[微笑]
༄༅། །ཆོས་ཀྱི་སྡེ་ཆེན་པོ་དཔལ་ལྡན་སྤང་ཤར་བསམ་འགྲུབ་ནོར་བུ་གླིང་པ་ནས་རང་དང་གཞན་ལ་ཕན་པའི་ཕྱིར་དང་། རིམ་པ་ཁག་གི་དབུ་ཁྲིད་རྣམ་པ་ཡིས་མཛུབ་སྟོན་ལྟར། ནད་ཡམས་སྔོན་འགོག་གི་ལས་འགུལ་ལ་ཧུར་ཐག་གིས་ཞུགས་ནས། ཕྱོགས་དང་སྒོ་ཀུན་ནས་འཐུས་སྒོ་ཚང་བར་བྱས་ཡོད། ལྷག་པར་དུ་རྒྱ་ཆེ་བའི་ཆོས་དད་མང་ཚོགས་ཡོངས་ལ་ནད་ཡམས་སྔོན་འགོག་གི་རྒྱུན་ཤེས་དང་འཐབ་ཕྱོགས་ཀྱི་སྐོར་དྲིལ་བསྒྲགས་བྱས་དང་བྱེད་མུས་ཡིན།️ ངེད་དགོན་པ་ནས་ནུས་ཚོད་ཀྱིས་སྒོར་ཆིག་སྟོང་ལྷག་ཙམ་ཞིག་གིས་མང་ཚོགས་ཁ་ཡོལ་དང་དུག་སེལ་སྨན་རྫས་དག་ཉོས་ཏེ་སྡེ་བ་ལ་ཞབས་ཞུ་ཅི་འགྲུབ་བྱས་པ་དང་། ད་དུང་འགྲིམ་འགྲིལ་ཁག་ལ་དོ་སྣང་བྱས་ནས་ཕྱི་མི་ནང་དུ་འགྲོ་འོང་ཐད་བཀག་འགོག་གཟབ་རྒྱས་བྱས་ཡོད། ️ ལྷག་པར་དུ་<<འུས་ཧན་>>གྱི་ཕྱོགས་སུ་ཡོད་པའི་ཉམ་ཐག་པའི་སྤུན་ཟླ་ནད་པ་ཡོངས་དང་གཞན་པ་རྣམས་ལ་ང་ཚོས་ཉིན་མཚན་གཉིས་ལ་སེམས་ཁུར་བྱེད་བཞིན་ཡོད། ཁྱེད་ཚོའི་ལུས་ཀྱི་ན་ཚ་ནི་ངེད་ཚོའི་སེམས་ནང་གི་སྡུག་བསྔལ་ཡིན་ལ། ཁྱེད་ཚོ་མགྱོགས་མྱུར་དུ་ནད་ངན་དེ་ལས་གྲོལ་ཐུབ་པའི་སྨོན་འདུན་ནི་སྐྱབས་གནས་མཆོག་གསུམ་ལྷ་ལ་བཅོལ་ནས་ཡོད། ️ངེད་དགོན་པ་ནས་མེ་ཏོག་ཆུང་ཡང་མཆོད་རྫས་ཞེས་པའི་དཔེ་ལྟར་དུ་དམངས་སྒོར་སུམ་ཁྲི་ཙམ་ཞིག་ལྷག་བསམ་རྣམ་དག་གིས་ཕུལ་བ་ལ་ལན་དང་རྣམ་སྨིན་གྱི་རེ་བ་མེད་ཁར། སྤུན་ཟླ་ཁྱོད་ཚོ་ཏོག་དབྱིབས་ཀྱི་ནད་དུག་ལས་མྱུར་དུ་གྲོལ་ཏེ་ཕ་མ་སྤུན་སྲིང་ལྷན་འཛོམས། གཟའ་ཚང་བུ་ཚ་མཉམ་འཛོམས་ཡོང་བ་དང་། མྱུར་དུ་འཇིག་རྟེན་བདེ་སྐྱིད་ཀྱི་སྣང་བ་ལ་ལོངས་སུ་སྤྱོད་ཐུབ་པའི་སྨོན་འདུན་ཞུ་བ་ཡིན། ️ <<འུས་ཧན་>>ནད་ལས་གྲོལ་བར་ཤོག ། ཀྲུང་གོ་གཙོས་པའི་འཛམ་གླིང་ཐམས་ཅད་བདེ་སྐྱིད་ལྡན་པར་ཤོག །
སེམས་ཅན་ནད་པ་ཇི་སྙེད་པ། །མྱུར་དུ་ནད་ལས་ཐར་གྱུར་ཅིག ། །འགྲོ་བའི་ནད་རྣམས་མ་ལུས་པ། །རྟག་ཏུ་འབྱུང་བ་མེད་པར་ཤོག ། 2020:2:13ཉིན།
️ སྤང་ཤར་དགོན་པའི་དོ་དམ་གཞུང་ལས་ཁང་ནས།
