推荐尚未下画嘅《黄金花》，又当微薄之力撑下港产片。
如果你都睇《天水围》系列、《桃姐》，钟意《岁月神偷》，都唔应该错过同样反映香港小人物嘅《黄金花》。
一个“旧”香港
想睇，係因为毛舜筠凭借呢齣戏师奶角色获香港电影金像奖影后，而饰演佢自闭症囝囝嘅凌文龙获最佳新演员。单睇飙戏，已经值啦。
黄师奶嘅哀怨、愤怒、无助、深爱、痛苦、希望，喺毛舜筠眉目之间流转。师奶两次想用水果刀杀小三无果，想自力更生反而被小三反讽，佢话：我唔介意你抢走我老公，我係介意你抢走我个仔嘅爸爸啊！因为有个仔要照顾，佢忍气吞声做被欺负嘅弱小女人，亦因为有个仔，佢做咗最伟大最有勇气嘅选择——继续陪伴个仔，好好过生活。
“演员导演”，自由发挥令呢出戏好有睇头
凌文龙扮自闭症少年都好出彩，本身係话剧演员，演技绝对秒杀内地小鲜肉，如果唔系热爱，估计会演到压抑。
个仔唔系天才，个妈都冇“绝症”悲剧，冇咩狗血剧情，反而有一班共同度过嘅暖心街坊，所以真实感人。
有机会就睇下啦～关注自闭症家庭呢个群体，关注社会弱势群体。
