图片发自简书App
一到夏天，白云山满山蝉鸣。由柯子岭去摩星岭嘅山间小径上，一转过龙啸台，郁郁葱葱嘅山谷中蝉声阵阵，时远时近，时高时低。唔知系心理因素定系环境因素，总觉得白云山蝉嘅声特别清脆悦耳。或者“蝉噪林逾静”，就有山幽更有动听嘅感觉吧。
正喺石凳休息时，身旁树上突然蝉声亮起，宛转悠长。“今朝蝉忽鸣，迁客若为情？便觉一年老，能令万感生。”唐代司空曙嘅喺《新蝉》此刻几应景。夏邀蝉至又好，蝉鸣夏热也好，夏季已降临。不过感觉比以前嚟得早咗，热得快咗。喺空气污染越发严重嘅当下，好彩仲有白云山呢块绿肺，仲可以听到呢一片蝉歌。
喺半山亭，蝉声满耳，唔单止从东南西北喺树丛传嚟，仲由脚底深谷密林铺天盖地飘嚟，使人完全置身于蝉鸣嘅立体交响乐世界中，酣畅淋漓，清爽惬意。同行嘅大哥递出几个荔枝嚟请我食，系绿中带红嘅“三月红”。哈哈，又到蝉鸣荔熟时。我曾写过同名歌词，其中有咁几句：“蝉鸣荔熟音画伴香天地谣，荔熟蝉鸣如期赴约时空邀。生命的颤动，打造这永恒的情调。嫣红的舞台，合唱出和谐的祈祷。”
一阵山风吹来乌云，突然落起急雨，好彩未离开石亭。但风雨声取代咗蝉鸣声，令人感到一阵寒意，仲不由得担心起雨中嘅蝉。当然，纯属多余。而家系初夏，倘若系初秋情况就唔同嗮。当蝉鸣秋寒，暮蝉声尽时，最后一阵秋风寒雨打来，佢就会从高树跌落，完成歌者嘅使命。
雨已停咗，太阳出嚟，蝉声又起。一种怡然同怅然而又无法释然嘅怜爱与赞赏之情萦绕于心怀。
尽管系小小蝉仔，却总能应天地之邀如期赴约，以微小嘅身躯，释放出巨大嘅能量，用心灵嘅颤动吟唱生命嘅诗音，咁鬼执着，咁鬼尽情……
