ཚུལ་ཉི་ནས།
མི་ཡུལ་འཇིག་རྟེན་ཞབས་ཀྱིས་བཅག་སའི་ཁ་བའི་བདེ་སྡུག་ཕྲག་ཏུ་བཞེས།།
སྙིང་གཏམ་གསོན་པོ་བོད་ལ་འཇོག་མཁན་དཔའ་བོ་ཞིག་གི་མཛད་རྗེས་དེ།།
ཚེ་རབ་སྟོང་གི་སྲིད་གསུམ་རྒྱུད་རུང་དྲན་པའི་འཆར་ངོར་གཟིམས་རྒྱུ་མེད།།
དད་གསུམ་མེ་ཏོག་ཡིད་ཀྱིས་མཆོད་བཞིན་སྣང་བ་མཐའ་ཡས་ཁྱེད་ཉིད་དྲན།།
སྲིད་ཀྱི་སྒྲོན་མེ་འོད་ཆེམ་ཞིག་གིས་འཇིག་རྟེན་གླིང་འདིར་གཡོམ་གཡོམ་སྒུལ།
བླང་དོར་གནད་འབྱིན་བློ་མིག་ཅིག་གིས་གདུལ་བྱ་མང་པོར་བློ་སྒོ་འབྱེད།།
ཆོས་སྲིད་བསྟན་པའི་རང་ལུགས་ཤིག་གིས་ཚན་རྩལ་སྟོང་ལ་གཤོག་པ་བཙུཊ་།།
མཁས་དབང་ཞིག་གི་མཚན་ཉིད་ཐོགས་པའི་དགེ་ཆོས་ཁྱོད་ལ་རྗེས་དྲན་ཞུ།།
མི་ཆོས་སྤང་བླང་འཕྲེང་བར་རྒྱུས་ཏེ་གསུང་དང་འཕྲིན་གྱིས་ཆར་བ་འབབ།།
དེང་སྲོལ་གཉིས་ཀའི་ཁེ་ཕན་བཀར་ནས་མི་ཡུལ་འཇིག་རྟེན་བཞེངས་བསྐྲུན་མཛད།།
ཆོས་སྲིད་ཟུང་འཇུག་དཔྱད་པའི་མཐུ་ཡིས་སྐྱེས་བོ་མང་པོ་ལེགས་ལམ་བཀྲིས།།
ཞི་བདེ་འདྲ་མཉམ་ཐོབ་ཐང་སྤྲོད་མཁན་དུས་བབས་ཆར་བ་ཚུལ་བློ་བསྔགས།།
