光棍佳节，于公司加班至夜晚，观红军与富县大战后，友人佳哥相邀北京路perry酒吧，欲把酒言欢，丰哥，伟臣皆赴约。
不料在微信得知，丰哥先到，早已酒过三巡，另有友人相聚，见状便偷偷坐215归家…好啦，唔讲古文，水平有限，佳哥突然致电叫我下车回来，佢话丰哥佢有佢饮，我地有我地饮，犹豫左一分钟以后，都系过去啦，朋友之间摸下酒杯底，都冇咩问题嘅，然后落车一支公从六榕路行翻去文明路，然后发生嘅一幕，令我感觉到，彻底我已经彻底佛系。
入到酒吧，灯红酒绿，每一寸空气都充斥着荷尔蒙，我东看看，西望望，发现丰哥和佳哥到了，还有一陌生男子，而背对着我则有三个妙龄少女，衣着火辣，已经玩得好开心，唔知点解果一刻我冇选择坐低，三男三女好似玩拳皇咁，男女双方，你来我往，互有攻守，睇见佢地玩得咁开心，此时我站着如喽啰，心里面有个人同我讲，冇位你坐啦，行埋去盏尴尬……加上小弟历来不胜酒力，费事自己饮多两杯，到头来要佢地照顾我翻屋企，误左佢地今晚“大事”就唔好啦，见到此情此刻，我打算扭头就走，但系被发现左，佳哥一个箭步将我拦于电梯之外，讲今晚唔好走了，系呢个时候，眉头一皱 计上心来，先去厕所扮急屎，不过佳哥很快识破我的计谋，便尾随我入厕所，佢话等埋我先入去，为左等老虎打盹，我系厕所玩了一盘王者，外面的呕吐声，酒后乱叼声络绎不绝，佳哥时不时敲门问我得未，我就话腹泻。
当我玩完一盘之后，打开门见到佳哥不在厕所了，呢个时候我便以讯雷不及掩耳盗铃之势跑去后楼梯，成功溜走……
其实自己本来就想同朋友仔，坐下倾下计，当佢地选择perry 嘅时候，我就觉得成件事冇咁简单，去到发现原来有女，比着好几年前嘅自己肯定厚住面皮坐低玩，但系唔知点解，见到咁嘅画面，第一时间就系想走，叼，唔通几条女坐系度同你讲人生大事咩？唔劈酒点会坐系度，加上我嘅存在打破三男三女嘅局面，无谓坏人好事啦，可能有人觉得我自己强行加戏，其实我都系忠于自己内心，因为我嘅初衷系去饮酒唔系劈酒，第二人地玩得咁开心无谓阻佢地嘅雅兴，第三我自己都想早d翻屋企……
不可否认，佢地心态还算年轻，而我已经开始佛系养生，唔写咁多了，有点头疼，呢篇叙事文都系坐夜2上面写，祝大家发个好梦，睡个好觉，兄弟们今晚可以有“着落”啦，哈哈哈
