人生中三种东西最宝贵——信心、健康和知识；学习中三种品质最可贵好学、好问和好思。

你好，我叫派大星。我家住太平洋比基尼海滩比奇堡贝壳街126号的石头下面

公子要蜕变成姑娘，爱打球的三分女孩想换一种人生。<br>我会认真的对待属于我的每一天，因为我遇见了一个让我心甘情愿改变的人。LYJ

རང་ཉིད་ངོ་ཤེས་པའི་ཆེད་དཔེ་ཀློག་ལ་གོམས་པར་བྱ། 人生最痛苦的时候，你的身边只有你自己！

试着与自己和解，学会享受生活

生命在于行动！

简书问题反馈快捷通道：<a href="https://www.jianshu.com/g/c921f9f70f1af261" target="_blank">https://www.jianshu.com/g/c921f9f70f1af261</a>

西藏自治区（藏文：བོད་རང་སྐྱོང་ལྗོངས།，藏语拼音：Poi Ranggyong Jong，威利：Bod rang skyong ljongs），简称“藏”，通称西藏，位于中国西南边陲，首府拉萨，是中国五个少数民族自治区之一。 汉语中的“西藏”（藏文为bodljong）一词是指中华人民共和国的西藏自治区（藏文为bodrangskyongljong），简称为西藏。西藏，以清朝中央正式定名得名。唐宋为吐蕃；元朝属宣政院；明朝称乌思藏，设都司等；清初称卫藏，卫即前藏，藏即后藏；后正式定名为西藏，为西藏得名的开始；清朝设西藏办事大臣；民国初西藏地方；中华人民共和国成立以后，1965年西藏自治区正式建立，西藏一词即成为西藏自治区的简称，单字简称为“藏”。

གློག་བརྙན་འཇིག་རྟེན་འགྲིམ་པ་དེ་ཡང་སློབ་སྦྱོང་གི་འགྲུལ་བཞུད་ཅིག་གོ།

འཚོ་བའི་ཁ་དོག་མི་འདྲ་བ་ཞིག་གི་ཆེད་དུ། ཚོར་སྣང་ལ་བརྒྱུས་པའི་སྐད་ཆ་གསོན་པོ་རེ་སྤོབས་པས་བསྙད་འདོད།

བོད་རིག་པ་དར་སྤེལ་དང་གོང་འཕེལ་ཡོང་ཆེད་ བོད་ཀྱི་སྙན་ངག་དང་སྒྲུང་གཏམ་ ལོ་རྒྱུས་ དམངས་སྲོལ་ལ་སོགས་འགོད་པར་དགའ་བསུ་བཞུ།། 发展和继承藏文化，让藏文诗歌和小说、历史、风俗在新时代能焕发新的光彩。欢迎投稿!

རིག་པའི་གློང་དུ་འགྲོ་བའི་ཕུན་ཚོགས་ཀྱི་བློ་ལ་ བརྩོན་འགྲུས་རྟ་མཆོག་སྐུལ་བའི་དཔའ་སྟོབས་ཞིག་ལོས་དགོས་ ལེ་ལོའི་རྨོངས་པར་ཐིམས་པའི་འ་ཅག་གི་ལུས་ལའ་ ཕྱི་རབས་རང་སྡེ་སྐྱོང་བའི་འགན་འཁྲི་ནི་ལོས་ཡོད་། བཅུ་དྲུག་ལང་ཚོས་ཕྱུག་པའི་དག་ཅག་གི་ལུས་ལ་ ཕྱི་གླིང་དར་སྲོལ་ཅན་གྱི་རས་གོས་ཀྱི་བརྒྱན་ཡང་ བླ་སྲོགས་འོ་མས་སྦྱིན་པའི་རི་གྲོང་གི་བརྒྱུད་ལ་ ཕ་སར་གཞེན་པ་ཆེ་བའི་རྣམ་ཥེས་ཞིག་ལོས་དགོས་།

རིག་པའི་གཤོག་ཟུང་། སྤྲེལ་རྫོང་རྣམ་མཁྱེན། མཆོག་གསུམ་རྒྱལ་བ་རྒྱལ་སྲས་ཚོགས་བཅས་ཀྱི།། འཕྲིན་ལས་གཅིག་བསྡུས་བླ་མའི་ཚུལ་འཛིན་པ།། རྒྱལ་བ་ཀུན་ལས་ལྷག་པའི་གཏེར་ཆེན་པོ།། དཔལ་ལྡན་བླ་མར་འདུད་དོ་བརྩེ་བས་སྐྱོངས།། མང་ཐོས་གནད་ལ་མཁས་པའི་ཉམས་ལེན་པ།། མཁས་པའི་བརྟུལ་ཞུགས་མི་ངོམ་ཆོས་པ་བ།། འཆད་རྩོད་རྩོམ་ལ་ཐོགས་མེད་མཁས་པ་བ།། ཐུབ་བསྟན་མཛེས་པར་བྱེད་པའི་བཙུན་པ་བ།། བསྟོད་བཀུར་སྙན་གྲགས་རིམ་པ་དགུར་སྦས་ཀྱང་།། མ་ཁེབས་ཕྱོགས་བཞིར་ཀུན་ནས་མཁའ་ལ་ཁྱབ།། བདེན་པའི་ཚུལ་ཁྲིམས་སྐྱོན་མེད་དྲི་ངད་ཀྱིས།། མ་བོས་དད་ལྡན་རྐང་དྲུག་དབང་མེད་བཀུག། ང་ཡི་བླ་མའི་གཞུང་ཆེན་དཔེ་ཀློག་གི། ཐོས་བསམ་ཉམས་ལེན་ཕྱི་ནང་སྤྱོད་པ་དེ།། རྣམ་མཁྱེན་རྒྱལ་བ་ཡིས་ཀྱང་མ་མཁྱེན་པས།། འཇིག་རྟེན་བྱིས་པའི་བློ་ལ་ཇི་ལྟར་ཤོང་།། སྔོན་ལས་བསགས་པའི་འབྲས་བུ་སྨིན་པ་དང་།། བསླུ་མེད་རྟེན་འབྱུང་བདེན་པའི་ནུས་མཐུ་ཡིས།། འདབ་སྟོང་དཔག་བསམ་ལྗོན་པའི་མདུན་ས་རུ།། མ་བོས་རིག་པའི་ཁུ་བྱུག་ཁྱུ་གཅིག་འཛོམས།། མ་སྨད་ཚུལ་ཁྲིམས་དཔག་བསམ་ལྗོན་པ་ལ།། ལྔ་རིག་ཡལ་འདབ་མེ་ཏོག་སྣ་བརྒྱ་བཞད།། དེ་ལས་སྙིང་རྗེ་རྐང་གཅིག་ལྷག་པར་མཛེས།། བློ་གསལ་ཁུ་བྱུག་ཚོགས་རྣམས་བཅུད་ཀྱིས་མྱོས།། ང་དང་མཉམ་དུ་འཕུར་བའི་ཁུ་བྱུག་ཚོགས།། ལྷག་བསམ་བརྩེ་བ་སྟོང་གི་བསུ་མའི་ཁྲོད།། རེ་ཞིག་འདིར་ཕེབས་འོ་ཇ་འཐུང་ཞོར་དུ།། སྒྲ་འཛིན་དབང་བོ་ཅུང་ཙམ་ང་ལ་གཡོར།། ཟླ་གཅིག་ལོ་གཅིག་ཡུན་དེ་མ་ཡིན་པར།། ཉིན་དང་མཚན་ལ་མཉམ་དུ་གཞུང་ཆེན་གྱི།། དཔེ་ཀློག་རྒྱ་མཚོ་ཧུབ་གྱིས་བཏུང་བ་དེ།། དྲིན་ཆེན་བླ་མ་ཐབས་ལ་མཁས་པའི་འབྲས།། ལོ་ཟླ་ཉིན་མཚན་ཁད་ཀྱིས་ཁད་ཀྱིས་སོང་།། མི་ཚེའི་རིན་ཐང་དེ་དང་འགྲོག་ནས་ཡོད།། ཁུ་བྱུག་ལུས་སྟོབས་རིག་པའི་རྒྱས་ན་མཛེས།། དེ་ལ་གཤོག་ཟུང་ཐོགས་ན་ལྷག་པར་མཛེས།། ཐོག་མར་གཞུང་ལ་དད་པའི་ཐོས་པས་ཞུགས།། བར་དུ་རྒྱས་བསྡུས་འཚམ་པའི་ཤེས་རབ་ཀྱིས།། རྒྱུན་དུ་བརྩོན་པ་ལུས་ཀྱི་གྲིབ་མ་བཞིན།། དད་ཤེས་གཤོག་ཟུང་མི་འབྲལ་མདུན་དུ་སྐྱོད།། ལུང་བསྟན་བརྙེས་པའི་ཀླུ་སྒྲུབ་ཐོགས་མེད་ཀྱི།། དགོངས་དོན་གསལ་བྱེད་རྒྱལ་བ་ཙོང་ཁ་བའི།། མདོ་སྔགས་ཟུང་འབྲེལ་རྒྱལ་བའི་བསྟན་པ་ཡི།། སྙིང་བོ་ཐབས་ཤེས་གཤོག་ཟུང་འབྲེལ་ཏེ་འཕུར།། ལུང་རིགས་གཤོག་ཟུང་ཐོགས་ནས་མཉམ་དུ་འཕུར།། ལུས་སྟོབས་བརྩེ་སེམས་རྒྱས་ནས་མཉམ་དུ་སྐྱོད།། ཞིང་འདིར་སླད་མེད་བསྟན་པ་མཉམ་གྱིས་སྐྱོང་།། དཔག་བསམ་བཤེས་གཉེན་རེ་སྨོན་མྱུར་དུ་སྒྲུབ།། སྙིགས་དུས་མི་ལ་ངན་རྟོག་རླུང་བུ་རྒོད།། ཆོས་ལྡན་སྒྲུབ་པ་འགལ་རྐྱེན་དེ་བས་རྒོད།། བླ་མ་ལྷ་དང་དབྱེར་མེད་དད་པས་སྒོམས།། གཤོག་ཟུང་ཡོད་ཀྱང་རླུང་གི་ཉེན་ཁ་ཆེ།། ཕྱི་ནང་འདུ་འཛིའི་རྣམ་རྟོག་དབེན་པ་དང་།། ཐོས་བསམ་ཉམས་ལེན་ཁ་ཁར་མ་སོང་བར།། སྔོན་བྱོན་བཀའ་གདམས་བླ་མའི་རྣམ་ཐར་དེ།། རྗེས་འཇུག་གདུལ་བྱའི་ལམ་གྱི་ཉམས་ལེན་ཡིན།། སྤྲིན་དཀར་གསེབ་ནས་རྒྱལ་ཁམས་ལྟ་བའི་དུས།། དགུང་སྔོན་བྱ་བརྒྱའི་སྔོན་དུ་འགྲོ་བའི་དུས།། རིག་པའི་གཤོག་ཟུང་འཕུར་རྩལ་ངོམ་པའི་དུས།། དཔག་བསམ་བཤེས་གཉེན་མ་འབོར་ཁུ་བྱུག་ཚོ།། གསེར་དང་དངུལ་གྱི་གཤོག་པ་ཡོད་ན་ཡང་།། འཇིག་རྟེན་ཚེ་འདིར་སྐོར་བ་རྒྱག་པ་ལས།། ཞིང་མཆོག་གཞན་དུ་འཕུར་བའི་རྩལ་མེད་པས།། རིག་པའི་གཤོག་ཟུང་ཡོད་ན་དོན་དང་ལྡན།། ལ་ལ་མིང་སྐམ་འཇུས་ཀྱང་དོན་གྱིས་སྟོང་།། ཁ་ཅིག་ལུས་སྟོབས་རྒྱས་ཡང་གཤོག་ཟུང་ཆད།། གཞན་དག་འུར་སྟོང་ཆེའང་བྲག་ཆ་བཞིན།། དེ་དག་གཟུགས་བརྙན་ཤིང་གི་སེང་གེའོ།། རྒྱ་ཆེན་མང་ཐོས་གངས་ཀྱི་སེང་གེ་ལ།། ལུང་རིགས་མཆེ་སྡེར་རྣོ་བ་དོན་དང་ལྡན།། དེ་དག་དང་བྲལ་རི་སྐྱེས་ཤ་བའི་ཚོགས།། འཇིག་རྟེན་རྭ་བརྒྱད་ངོམས་པ་དོན་སྙིང་ཅི།། ཉེར་གཅིག་དུས་རབས་ཤེས་བྱ་སྣ་མང་མཁོ།། གཞན་དོན་སྒྲུབ་པའི་ཡན་ལག་དེ་ཡང་མཁོ།། སྐྱ་མིན་སེར་མིན་ཚུལ་འཆལ་བསྟན་པའི་དགྲ། ཡོན་ཏན་གཞི་རྟེན་ཚུལ་ཁྲིམས་གཅེས་པར་སྲུངས།། ཕྱིར་དྲན་རྣམ་རྟོག་རེ་སྐུལ་ཁྲི་མ་འབུམ།། མི་འཇིག་སེམས་ཀྱི་རི་མོར་བྲིས་ནས་ཡོད།། ད་ནི་རིག་པའི་ཁུ་བྱུག་ཚོགས་རྣམས་ཀྱི།། སྐུ་ལུས་བདེ་བར་བཞུཊ་དང་རྗེས་སུ་མཇལ།། མདོ་སྨད་ཙོང་ཁ་རི་བོའི་ཉེ་འདབས་དང་།། རྨ་ཆུ་དལ་གྱིས་བཞུར་བའི་པང་ཁུགས་ནས།། བླ་མས་གཅེས་པར་བསྐྱངས་པའི་ཁུ་བྱུག་གི། གསུང་སྙན་དུས་བཞི་ཀུན་ལ་འགག་པ་མེད།། •རྣམ་མཁྱེན་སྤྲུལ་མིང་བས་མཚོ་སྔོན་ཞིང་ཆེན་བོད་བརྒྱུད་ནང་བསྟན་སློབ་གླིང་དུ་བྲིས།