Zhes zhit doul! Nongs lax ndouk nongs lod, nongs lod yuad zheuk nduad shout dex ghangb tit zhed, beb dex gud luas rongt uat luax, hnob nat gaox yuad mol leuf gaox, zhes god ib lenx nyaob, zhit boub hnob dus beb mangf draod dout lol rouf ib get.

Zhes zhit doul! Nongs lod ndouk nongs lax, nongs lax yuad zheuk yox shout dex ghangb tit zhuat, beb dex gud luas rongt uat luax, hnob nat gaox yuad mol leuf gaox, zhes god ib lenx nyaob, zhit boub hnob dus beb mangf draod dout lol rouf ib njuak.

舍不得！燕儿欢嬉戏，栖落于屋檐；好友情谊深，今日君离去，舍下我一人，重逢是何年。

舍不得！燕儿嬉戏欢，栖落于崖壁；好友情谊重，今日君离去，舍下我一人，再遇于何时。

Zhes zhit doul! Lob dlex dend lob lus, lob lus yangx ncis drout dex sob koub, beb dex gud luas rongt uat luax, hnob nat gaox yuad mol leuf gaox, zhes god ib lenx nyaob Ndox Chab Ndrongs zhit muax lob qeut nzhoub.

Zhes zhit doul! Lob lus yos lob dlex, lob dlex yangx hlaot drout dex sob ndraox, beb dex gud luas rongt uat luax, hnob nat gaox yuad mol leuf gaox, zhes god ib lenx nyaob Ndox Chab Ndrongs zhit muax luas uat nbaox.

舍不得！水露情缠绵，水珠落于草；好友情谊长，今日君别离，留我一人无依靠。

舍不得！露水共婵娟，露珠散于丛；好友情谊坚，今日君别离，留我一月不成朋。

Zhes zhit doul! Ok dlex leud ok lid, ok lid yuad blox ndaik drout dex ndruab bangl, gud luas rongt ib shif, hnob nat gaox yuad mol leuf gaox, zhes god ib lenx nyaob, touk zhit njot gaox god lob blax plot daf luas ghak nyangd, touk njot gaox nchait yuad maob god shab zhit boub yuad uat jangl.

Zhes zhit doul! Ok lid leud ok dlex, ok dlex yuad blox longs drout dex ndruab had, gud luas rongt ib shif, hnob nat gaox yuad mol leuf gaox, zhes god ib lenx nyaob, touk zhit njot gaox god lob blax plot daf luas ghak ncit, touk njot gaox nchait yuad ncod god shab zhit boub uat jangl zad.

舍不得！鸳鸯畅戏水，逐戏没于湖；好友情一生，今日君辞别，舍下我一人，无念我颜开，若念肝肠腐。

舍不得！鸳鸯怡戏水，逐戏没于海；好友情一世，今日君辞别，舍下我一人，不念我颜漾，若念愁满怀。